سياسەت, عێراق

شاندێکی ئاسایشی نیشتمانیی عێراق سەردانی هەولێر دەکات

شاندێکی ئاسایشی نیشتمانیی عێراق بە مەبەستی هەماهەنگکردنی هێزەکانی پێشمەرگە و سوپای عێراق، سەردانی هەولێر دەکات.

Fakhradin Ibrahim Mohammad   | 09.05.2021
شاندێکی ئاسایشی نیشتمانیی عێراق سەردانی هەولێر دەکات

Arbil

هەولێر – AA

شاندێکی ئاسایشی نیشتمانیی عێراق بە سەرۆکایەتی راوێژکاری ئاسایشی نیشتمانیی عێراق، قاسم ئەعرەجی بە مەبەستی هەماهەنگکردنی هێزەکانی پێشمەرگە و سوپای عێراق، سەردانی هەولێر دەکات.

بەپێی زانیارییەکان، شاندەکە لە هەرێمی کوردستان لەگەڵ بەرپرسانی ئەمنی و سەربازیی کۆبوونەوەیان دەبێت و پرسی هەماهەنگی نێوان هێزەکانی پێشمەرگە و سوپای عێراق لە ناوچە جێناکۆکەکان تاوتوێ دەکات.

ئەم کۆبوونەوانە لە کاتێکدایە کە هەفتەی رابردوو شاندێکی وەزارەتی پێشمەرگەی هەرێمی کوردستان بۆ هەمان مەبەست، سەردانی بەغدای پایتەختی عێراقی کردبوو و جگە لە کۆبوونەوە لەگەڵ بەرپرسانی سەربازیی، لەگەل سەرۆکوەزیران مستەفا کازمی گفتوگۆیان کردبوو.

سەرۆکوەزیرانی عێراق، مستەفا کازمی دوای زیادبوونی جموجۆڵەکانی داعش لە ناوچە جێناکۆکەکانی نێوان هەرێم و بەغدا، فەرمانی کرد کە بۆشایی ئەمنی ئەو ناوچانە بە هەماهەنگی لەگەڵ هەرێمی کوردستان پڕبکرێتەوە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın