سياسەت

بانگه‌شه‌ی ئه‌وه‌ ده‌كرێت ئه‌مریكا هێزی پشتیوانیی ره‌وانه‌ی كه‌ركووك كردبێت

İdris Okuducu,Muhammet Ali Kemal   | 15.02.2019
بانگه‌شه‌ی ئه‌وه‌ ده‌كرێت ئه‌مریكا هێزی پشتیوانیی ره‌وانه‌ی كه‌ركووك كردبێت

Istanbul

كه‌ركووك - AA

بانگه‌شه‌ی ئه‌وه‌ ده‌كرێت ئه‌مریكا هێزی پشتیوانیی ره‌وانه‌ی بنكه‌ی سه‌ربازیی كه‌ی وه‌ن له‌ كه‌ركووك كردبێت.

لێپرسراوی ناوچه‌ی باكوور له‌ حه‌شدی شه‌عبی، محه‌مه‌د مه‌هدی به‌یاتی، له‌ كۆنگره‌یه‌كی رۆژنامه‌وانییدا له‌ كه‌ركووك بانگه‌شه‌ی ئه‌وه‌ی كرد ئه‌مریكا هێزی پشتیوانیی، كه‌ له‌ چه‌كی قورس و ئۆتۆمبیلی زرێپۆش پێكهاتووه‌، ره‌وانه‌ی بنكه‌ی سه‌ربازیی كه‌ی وه‌ن كردووه‌ له‌ شاره‌كه‌.

محه‌مه‌د مه‌هدی به‌یاتی باسی له‌وه‌شكرد ژماره‌ی سه‌ربازانی ئه‌مریكا له‌ كه‌ركووك هاوتایه‌ له‌گه‌ڵ ژماره‌ی سه‌ربازانی ئه‌و وڵاته‌ له‌ بنكه‌ی سه‌ربازیی عه‌ین ئه‌سه‌د له‌ ئه‌نبار و داوای له‌ حكوومه‌تی به‌غدا كرد هۆكاری مانه‌وه‌ی سه‌ربازه‌كان له‌ شاره‌كه‌ روونبكاته‌وه‌.

به‌یاتی زانیاریی ئه‌وه‌شیدا كه‌ سه‌ربازانی سوپای ئه‌مریكا چه‌ند جارێك له‌ ده‌ورووبه‌ری كه‌ركووك و گونده‌واری شارۆچكه‌ی حه‌ویجه‌ ده‌ورییه‌یان ئه‌نجامداوه‌.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın