جيهان, عێراق

یه‌كشه‌ممه‌ یه‌كه‌م رۆژی جه‌ژنی ره‌مه‌زانی پیرۆزه‌

شێخ ئیبراھیم بەرزنجی: ''پشتبه‌ستن به‌ به‌ڵگه‌ شه‌رعییه‌كان و هه‌ماهه‌نگی له‌گه‌ڵ ئه‌ندامانی لیژنه‌كان له‌سه‌ر ئاستی پارێزگاكانی هه‌رێمی كوردستان، بریاردرا سبەی شەممە تەواوکەری مانگی رەمەزانە و رۆژی یەکشەممەش یەکەم رۆژی جەژنی رەمەزانە''.

Heman Hussein Yaseen   | 22.05.2020
یه‌كشه‌ممه‌ یه‌كه‌م رۆژی جه‌ژنی ره‌مه‌زانی پیرۆزه‌

Arbil

ھەولێر - AA

ئێوارەی ئەمڕۆ پێنجشەممە، لیژنەی باڵای بینینی مانگ لە وەزارەتی ئەوقاف و کاروباری ئایینی حکوومەتی ھەرێمی کوردستان، لە کۆنگرەیەکی رۆژنامەوانییدا یەکەمین رۆژی جەژنی رەمەزانی دیارییکرد.

لە کۆنگرە رۆژنامەوانییەکەدا، بەڕێوەبەری ئیرشاد و توێژینەوە لە وەزارەتی ئەوقاف و کاروباری ئایینی حکوومەتی ھەرێمی کوردستان، شێخ ئیبراھیم بەرزنجی رایگه‌یاند: ''لیژنه‌ی بینینی مانگ له‌ هه‌رێمی كوردستان له‌سه‌ر دیا‌ریكردنی یه‌كه‌مین رۆژی جه‌ژنی ره‌مه‌زان بۆ ساڵی نوێ كۆبووه‌وه‌، و به‌ پشتبه‌ستن به‌ به‌ڵگه‌ شه‌رعییه‌كان و هه‌ماهه‌نگی له‌گه‌ڵ ئه‌ندامانی لیژنه‌كان له‌سه‌ر ئاستی پارێزگاكانی هه‌رێمی كوردستان، بڕیاردرا سبەی شەممە تەواوکەری مانگی رەمەزانە و رۆژی یەکشەممەش یەکەم رۆژی جەژنی رەمەزانە''.

دواتر شێخ ئیبراھیم كه‌ هاوكات سەرۆکی لیژنەی بنینی مانگه‌، راگه‌یه‌نراوی وەزارەتی ئەوقافی خوێندەوە و ''داوای لە ھاووڵاتیانی هه‌رێمی کوردستان کرد، پشتیوانی حکوومەتی ھەرێمی کوردستان بکەن بۆ تێپەڕاندنی قەیرانەکان و ئەم جەژنە ھۆکاری خێر و خۆشی بێت''.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın