جيهان

کینیا.. بەهۆی وشکەساڵییەوە ٢٠٠ هەزار کەس لە رۆژێکدا تەنها یەک ژەم دەخۆن

Gökhan Kavak   | 04.10.2021
کینیا.. بەهۆی وشکەساڵییەوە ٢٠٠ هەزار کەس لە رۆژێکدا تەنها یەک ژەم دەخۆن

Istanbul

ئیستانبوڵ - AA

لە کینیا رۆژهەڵاتی کیشوەری ئەفریقا، بەهۆی بەردەوامی وشکەساڵییەوە نزیکەی ٢٠٠ هەزار کەس لە رۆژێکدا تەنها دەتوانن یەک ژەم بخۆن.

لە راگەیەندراوێکدا کە لەلایەن بەشی کەشناسیی کینیاوە بڵاوکراوەتەوە، ئاماژە بەوە کراوە کە بەهۆی وشکەساڵییەوە سەدان هەزار کەس لە ناوچەکانی باکوور و رۆژهەڵاتی ئەو وڵاتە بە ئەستەم خۆراک و ئاویان دەست دەکەوێت.

لە راگەیەندراوەکەدا جەخت لەسەر ئەوە کراوەتەوە کە نزیکەی ٢٠٠ هەزار کینیایی تەنها دەتوانن لە رۆژێکدا یەک ژەم بخۆن، بەهۆی بەدخۆراکیشەوە نۆ هەزار کەس پێویستیان بە چارەسەری بەپەلە هەیە.

لە راگەیەندراوەکەدا، هەروەها باس لەوە کراوە کە بەهۆی وشکەساڵییەوە ئاژەڵەکانیش زیانیان پێگەیشتووە، ئەو دۆخەش کاریگەری نەرێنی لەسەر کینیاییەکان دروست کردووە کە بژێویان لەسەر ئاژەڵداریە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın