جيهان

کۆچبەرانی سەر سنووری پۆڵەندا-بێلاڕووس هەوڵی چوونە ناو خاكی یەکێتی ئەورووپا دەدەن

Ali Cura   | 25.11.2021
کۆچبەرانی سەر سنووری پۆڵەندا-بێلاڕووس هەوڵی چوونە ناو خاكی یەکێتی ئەورووپا دەدەن

Hrodzyenskaya Voblasts

گرۆدنۆ- AA

نزیکەی دوو هەزار کۆچبەر لەسەر سنووری نێوان پۆڵەندا-بێلاڕووس چاوەڕێن مۆڵەتی چوونە ناو ئەورووپایان پێبدرێت.

ده‌سته‌ی سنووری بێلاڕووس، دەربارەی روشی کۆچبەرەکان راگەیەندراوێکی ڤیدیۆیی بڵاوکردووەتەوە و تیایدا ئەوە خراوەتەڕوو کە کۆچبەران لە رەوشێکی نائاساییدان و لە کاتێکیشدا هەوڵی پەڕینەوە لە سنوور دەدەن ناوبەناو لەگەڵ هێزە ئەمنییەکانی سەر سنوور دووچاری پێکدادان دەبنەوە.

لە راگەیەندراوەکەدا باس لەوەش کراوە کە دوو کۆچبەر هەوڵی نزیک بوونەوە لە سنووریان داوە، هەرچەندە هیچ کارێکی تێکدەرانەشیان ئەنجام نەداوە بەڵام لە لایەن هێزە ئەمنییەکانی پۆڵەنداوە بە گازی فرمێسکڕێژ رووبەڕوویان بوونەتەوە.

لە لایەکی دیکەشەوە لە ناوچەیەکدا کە بەشێوەیەکی کاتی لەلایەن حکوومەتی بێلاڕووسەوە دروست کراوه‌، دابەشکردنی هاوکارییە مرۆییەکان بەردەوامن.

جێی وەبیرهێنانەوەیە لە هەشتی تشرینی دووەمەوە نزیکەی دوو هەزار کۆچبەر کە زۆرینەیان هاووڵاتی سووری و عێراقین روویان لەسەر سنووری پۆڵەندا-بێلاڕووس کردووە و چاوەڕێن بچنە ناو وڵاتانی یەکێتی ئەورووپاوە.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın