جيهان

٣٧ سه‌رنشینی ئه‌و فڕۆكه‌یه‌ بریندار بوون كه‌ چوبووه ناو كه‌شی ئاڵۆزی چڕی ئاسمانه‌وه‌

له‌ ئاكامی چوونه‌ ناو كه‌شی ئاڵۆزی ئاسماندا له‌ كاتی گه‌شته‌كه‌ی فڕۆكه‌ی "Air Canada كه‌ له‌ شاری ڤانكۆڤه‌ر-ی كه‌نه‌دا-وه‌ به‌ره‌و سیدنی له‌ ئوسترالیا به‌ ڕێكه‌وتبوو ٣٧ له‌و ٢٨٤ سه‌رنشین و كارمه‌ندانه‌ی تیمی فڕۆكه‌وانی بریندار بوون، كه‌ تیایدا بوون.

Recep Şakar,Ramal Abdullah Mahmood   | 12.07.2019
٣٧ سه‌رنشینی ئه‌و فڕۆكه‌یه‌ بریندار بوون كه‌ چوبووه ناو كه‌شی ئاڵۆزی چڕی ئاسمانه‌وه‌

Queensland

مێلبۆرنی – AA

له‌ ئاكامی چوونه‌ ناو كه‌شی ئاڵۆزی ئاسماندا له‌ كاتی گه‌شته‌كه‌ی فڕۆكه‌ی "Air Canada كه‌ له‌ شاری ڤانكۆڤه‌ر-ی كه‌نه‌دا-وه‌ به‌ره‌و سیدنی له‌ ئوسترالیا به‌ ڕێكه‌وتبوو ٣٧ له‌و ٢٨٤ سه‌رنشین و كارمه‌ندانه‌ی تیمی فڕۆكه‌وانی بریندار بوون، كه‌ تیایدا بوون.

دامه‌زراوه‌ی په‌خشی ئوسترالیا رایگه‌یاند فڕۆكه‌ی گه‌شتیاری جۆری Boeing 777-200 كه‌ سه‌ر به‌ هێڵی ئاسمانی كه‌نه‌دایه‌ له‌ كاتێكدا گه‌شتی ئاسمانی له‌ نێوان ڤانكۆڤه‌ر و سیدنی ئه‌نجام ده‌دا و ٢٦٩ سه‌رنشین و ١٥ كارمه‌ندی تیمی فڕۆكه‌وانی تیادابوو له‌ هه‌رێمی هاوایی زه‌ریای مه‌نگ كه‌وته‌ نێو كه‌شێكی ئاڵۆزی چڕه‌وه‌.

فڕۆكه‌كه‌ كه‌ له‌ناكاو دووچاری ئه‌و دۆخه‌ بووه‌وه‌ به‌په‌له‌ له‌ فڕۆكه‌خانه‌ی نێوده‌وڵه‌تی دانیه‌ل ك ئینۆیه‌ له‌ شاری هۆنۆلۆلو-ی هه‌رێمی هاوایی به‌ خێرایی نیشته‌وه‌ و به‌مهۆیه‌وه‌ ٣٧ سه‌رنشینی فڕۆكه‌كه‌ برینداربوون كه‌ برینی نۆیان قورسه‌.

یه‌كێك له‌و سه‌رنشینانه‌ جیس سمیز-ه‌ كه‌ خه‌ڵكی ئوسترالیایه‌ و له‌ هه‌ژماری فه‌رمی خۆی له‌ تۆڕی كۆمه‌ڵایه‌تی رایگه‌یاندووه‌ كه‌ له‌گه‌ڵ له‌رزینی فڕۆكه‌كه‌ به‌خه‌به‌ر هاتووه‌ و بینیوویه‌تی ژماره‌یه‌ك گه‌شتیار به‌ر میچی فڕۆكه‌كه‌ كه‌وتوون.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın