سياسەت, جيهان

وەزیری دەرەوەی ئیسرائیل گەیشتە ئەنقەرە

Emre Karaca   | 23.06.2022
وەزیری دەرەوەی ئیسرائیل گەیشتە ئەنقەرە

Ankara

ئەنقەرە - AA

وەزیری دەرەوەی ئیسرائیل، یایر لاپید، بەمەبەستی ئەنجامدانی چەند کۆبوونەوەیەکی فەرمی گەیشتە ئەنقەرە.

ئەو فڕۆکەی کە وەزیری دەرەوە، لاپید و شاندی یاوەی هەڵگرتبوو، لە فڕۆکەخانەی ئەسەنبۆغا لە ئەنقەرە نیشتەوە.

جێگری پارێزگاری ئەنقەرە، موستەفا ئەركایڕان و چەند بەرپرسێكی تر لە فڕۆكەخانە پێشوازییان لە لاپید و شاندی یاوەری كرد.

لە چوارچێوەی سەردانەکەدا ئەمڕۆ لاپید لەگەڵ وەزیری دەرەوەی تورکیا، مەولود چاوشئۆغڵو کۆدەبێتەوە.

دوای کۆبوونەوەی نێوان شاندەکان، لاپید و چاوشئۆغڵو کۆنگرەیەکی رۆژنامەوانی هاوبەش ئەنجام دەدەن.

بەگوێرەی‌ راگه‌یه‌ندراوێکی وه‌زاره‌تی ده‌ره‌وه‌ی تورکیا‌، له‌و کۆبونەوانەی كه‌ له‌چوارچێوه‌ی سه‌ردانه‌كه‌دا ئه‌نجام ده‌درێت، تاوتوێی په‌یوه‌ندییه‌ دووقۆڵییه‌كان و پرسه‌ ناوچه‌ییه‌كان ده‌كرێت.

لە ماوەی ١٦ ساڵی رابردوودا ئەمە یەکەم سەردانی وەزیری دەرەوەی ئیسرائیل-ە بۆ تورکیا.

جێی وەبیرهێنانەوەیە دواجار وەزیری پێشووی دەرەوەی ئیسرائیل، تزیپی لیڤنی لە مانگی ئایاری ٢٠٠٦ سەردانی ئەنقەرەی کردبوو.

وەزیری دەرەوەی تورکیا، چاوشئۆغڵو لە ٢٤-٢٥ی ئایار سەردانێکی دوو رۆژەی بۆ فەڵەستین و ئیسرائیل ئەنجامدابوو.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın