جيهان

هەواڵگری ئێران: "جەنگ لەگەڵ ئەمریکا روونادات''

- سکرتێری گشتیی ئەنجوومەنی باڵای ئاسایشی نیشتمانی ئێران، عەلی شەمخانی: "جەنگ لە نێوان ئەمریکا و ئێران روونادات".

Ahmet Dursun,Rewa Mahmood Hasan   | 19.06.2019
هەواڵگری ئێران: "جەنگ لەگەڵ ئەمریکا روونادات''

Ankara

ئەنقەرە-AA

سکرتێری گشتیی ئەنجوومەنی باڵای ئاسایشی نیشتمانی ئێران، عەلی شەمخانی رایگەیاند کە جەنگ لە نێوان ئەمریکا و ئێران روونادات.

عەلی شەمخانی لە لێدوانێکیدا بۆ ئاژانسی فەرمی ئێران "ئیرنا" رایگەیاند، ''سەرەڕای پڕوپاگەندەی هەندێک لایەن دژبە ئێران، بەڵام جەنگ روونادات چونکە هۆکارێک نییە بۆ هەڵگیرساندنی شەڕ''.

سکرتێری گشتیی ئەنجوومەنی باڵای ئاسایشی نیشتمانی ئێران لەبارەی تۆمەتەکانی واشنتۆن بەرامبەر تاران لەسەر هێرشەکانی ناوچەکە گوتی: ''تۆمەتبارکردنی وڵاتانی تر لە لایەن بەرپرسانی ئەمریکاوە بۆتە رۆیتن. ئەوان خوازیارن لەم رێگەیەوە فشار بخەنە سەر وڵاتانی تر''.

عەلی شەمخانی راشیگەیاند، ئیدارەی ئەمریکا لە رێی سزاکانەوە راستەوخۆ خەڵکی ئێرانی کردۆتە ئامانج و دووپاتیشیکردەوە کە ئێران ئەو سزایانە وەک هەل دەقۆزتەوە و لەمەدا سەرکەوتوو دەبێت.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın