سياسەت, جيهان, هه‌ڵبژاردنه‌كانی عێراق ٢٠٢١

هێزە دەریاییەکانی ئەمریکا و ئوسترالیا و ژاپۆن و هیندستان مانۆڕێکی هاوبەشیان ئه‌نجامدا

Ahmet Furkan Mercan   | 14.10.2021
هێزە دەریاییەکانی ئەمریکا و ئوسترالیا و ژاپۆن و هیندستان مانۆڕێکی هاوبەشیان ئه‌نجامدا

Tokyo

تۆکیۆ- AA

هێزە دەریاییەکانی ئەمریکا، ئوسترالیا، ژاپۆن و هیندستان لە کەنداوی بەنگال کە دەکەوێتە نێوان هیندستان و بەنگلادیش، مانۆڕێکی سەربازی هاوبەشیان دەست پێکرد.

بە گوێرەی ئەو زانیارییانەی کە ئاژانسی کیۆدۆی ژاپۆنی لە هێزە دەریاییەکانی ژاپۆنی وەرگرتووە، مانۆڕی "مالابار ٢٠٢١" کە مانۆڕی هاوبەشی هێزە دەریاییەکانی هەرچوار وڵاتە، دەستی پێ کردووە.

یاریدەدەری سکرتێری گشتی کابینەی حکوومەتی ژاپۆن، کیهارا سێیجی لە میانەی کۆنگرەیەکی رۆژنامەوانیدا باسی لەوە کرد، هیواخوازن ئەم مانۆڕە ببێتە هۆی هاتنە کایەی رەهەندی "هیند-زه‌ریای ئارامی ئازاد و کراوە" و بەهێز کردنی پەیوەندییەکانی نێوان هەرچوار وڵات.

وا بڕیارە مانۆڕەکە تا سبەی بەردەوام بێت و ئەم چالاکییەش وەک هەوڵێک دژ بە زیادبوونی چالاکییەکانی چین لە ناوچەی زەریای ئارام (پاسیفیک) لێی دەڕواندرێت.

جێی وەبیر هێنانەوەیە بۆ یەکه‌م جار لە ساڵی ١٩٩٢دا مانۆڕی مالابار لە نێوان هیندستان و ئەمریکادا ساز کرا و لە ساڵی ٢٠١٥دا ژاپۆنیش بووە یەکێک لە هاوبەشەکانی مانۆڕەکە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın