جيهان

هێرشی ئاسمانیی ئیسرائیل له‌ سووریا

- سوپای ئیسرائیل رایگه‌یاند کە فڕۆكه‌ جه‌نگییه‌كانیان ژمارەیەک پێگه‌ی ئێران-یان له‌ نزیك دیمه‌شقی پایته‌ختی سووریا، كردووه‌ته‌ ئامانج.

Mustafa Deveci,Adham Kako   | 25.08.2019
هێرشی ئاسمانیی ئیسرائیل له‌ سووریا

Quds


قودس - AA

سوپای ئیسرائیل رایگه‌یاند کە فڕۆكه‌ جه‌نگییه‌كانیان ژمارەیەک پێگه‌ی ئێران-یان له‌ نزیك دیمه‌شقی پایته‌ختی سووریا، كردووه‌ته‌ ئامانج.

به‌پێی راگه‌یه‌نراوێكی سوپای ئیسرائیل، شه‌وی رابردوو له‌ ناوچەیەکی سەربە ناحیه‌ی عه‌قره‌با سەربە پارێزگای گوندەواری دیمه‌شق ژمارەیەک پێگه‌ی سوپای قودس سەربە سوپای پاسداران كراوه‌ته‌ ئامانج.

له‌باره‌ی ئه‌و هێرشانه‌وه‌، بانگه‌شه‌ی ئه‌وه‌ كراوه‌ كه‌ له‌ چه‌ند رۆژی رابردوودا پلان دانراوه‌ بۆ هێرشكردنه‌ سه‌ر ئیسرائیل له‌ رێگه‌ی ژماره‌یه‌ك فڕۆكه‌ی بێ فڕۆكه‌وانه‌وه‌.

هاوكات ئاژانسی SANAی سه‌ربه‌ رژێمی سووریا بڵاویکردەوە، كاتژمێر 23:30ی دوێنێ شەممە سیستمه‌كانی به‌رگریی مووشه‌كی مووشه‌كه‌كانی ئیسرائیلیان له‌ ئاسماندا ته‌قاندووه‌ته‌وه‌ و رێگرییان لێكردوون بگه‌نه‌ ئامانجه‌كان.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın