جيهان

هێرشه‌كانی رژێم و رووسیا بۆ سه‌ر ئیدلب درێژه‌یان هه‌یه‌

- له‌ سووریا له‌ ئه‌نجامی هێرشی رژێمی به‌شار ئه‌سه‌د بۆ سه‌ر پارێزگای ئیدلب، سێ هاووڵاتی سڤیل گیانیان له‌ده‌ستدا.

13.09.2019
هێرشه‌كانی رژێم و رووسیا بۆ سه‌ر ئیدلب درێژه‌یان هه‌یه‌

İdlib

ئیدلب - AA

له‌ سووریا له‌ ئه‌نجامی هێرشی رژێمی به‌شار ئه‌سه‌د بۆ سه‌ر پارێزگای ئیدلب، سێ هاووڵاتی سڤیل گیانیان له‌ده‌ستدا.

رژێمی ئه‌سه‌د له‌ شه‌وی رابردووه‌وه‌ هێرشی ئاسمانیی و وشكانیی بۆ سه‌ر هه‌ریه‌ك له‌ شارۆچكه‌ی كه‌فره‌نبیل، ناحیه‌ی كه‌فررومه‌ و گونده‌كانی سرجه‌، هاس، شنان و مارزیتا ئه‌نجامدا.

به‌پێی ئه‌و زانیارییانه‌ی له‌ سه‌رچاوه‌كانی به‌رگریی شارستانییه‌وه‌ ده‌ستكه‌وتوون، له‌ ئه‌نجامی تۆپبارانكردنی ناحیه‌ی كه‌فررومه‌ هاووڵاتییه‌كی سڤیل و له‌ شارۆچكه‌ی كه‌فره‌نبیل دوو هاووڵاتی سڤیلی دیكه‌ گیانیان له‌ده‌ستداوه‌.

هه‌ر شه‌وی رابردوو فڕۆكه‌ جه‌نگییه‌كانی رووسیای هاوپه‌یمانی رژێم، هێرشی ئاسمانییان بۆ سه‌ر گونده‌كانی عه‌ینه‌تا، بینین و شنان ئه‌نجامدا.

دوێنێ رژێم و رووسیا دوای ١٢ رۆژ دووباره‌ ده‌ستیان به‌ هێرشه‌ ئاسمانییه‌كانیان بۆ سه‌ر ناوچه‌كانی نیشته‌جێبوون كرده‌وه‌. له‌ ئه‌نجامی هێرشه‌كانی دوێنێشدا دوو هاووڵاتی سڤیل گیانیان له‌ده‌ستدا كه‌ یه‌كێكیان منداڵ بوو.



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın