جيهان

هونه‌رمه‌ندێكی سه‌نیگالی وێنه‌یه‌كی تره‌مپی به‌ سیفۆنی ته‌والێت كێشا

- هونه‌رمه‌ندی لاوی سه‌نیگالی، بۆبۆ نیانگ كه‌ له‌رێگا‌ی به‌كارهێنانی هه‌ندێك كه‌لوپه‌لی تایبه‌ت كه‌ كه‌سه‌كانی پێ ده‌ناسرێنه‌وه‌، بۆ كێشانی تابلۆیه‌كی سه‌رۆكی ئه‌مریكا، دۆناڵد تره‌مپ له‌جیاتی فڵچه‌، سیفۆنی ته‌والێتی به‌كارهێنا.

Alaattin Doğru,Muhammet Ali Kemal   | 17.05.2019
هونه‌رمه‌ندێكی سه‌نیگالی وێنه‌یه‌كی تره‌مپی به‌ سیفۆنی ته‌والێت كێشا

Dakar

داكار- AA

هونه‌رمه‌ندی لاوی سه‌نیگالی، بۆبۆ نیانگ كه‌ له‌رێگای به‌كارهێنانی هه‌ندێك كه‌لوپه‌لی تایبه‌ت كه‌ كه‌سه‌كانی پێ ده‌ناسرێنه‌وه‌، بۆ كێشانی تابلۆیه‌كی سه‌رۆكی ئه‌مریكا، دۆناڵد تره‌مپ، له‌جیاتی فڵچه‌، سیفۆنی ته‌والێتی به‌كارهێنا.

بۆبۆ نیانگ پێشتر تابلۆی چه‌ندین كه‌سی به‌ناوبانگی هاوشێوه‌ی فڵۆید مایوێزه‌ر، ده‌مبێڵ و دواین جۆنسنی به‌ تۆپی باسكه‌ و وێنه‌ی چه‌ندین كه‌سی دیكه‌ی به‌ناوبانگی كێشاوه‌.

بۆبۆ نیانگ كه‌ خاوه‌نی پێشانگای نیانگه‌، له‌رێگا‌ی سیفۆنێكه‌وه‌ كه‌ له‌به‌ر قورسی كێشه‌كه‌ی، به‌ هه‌ردوو ده‌ست به‌رزی كردووه‌ته‌وه‌، له‌ماوه‌یه‌كی كورتدا، به‌پێچه‌وانه‌وه‌ تابلۆیه‌كی تره‌مپی كێشا و كێشانی تابلۆكه‌ له‌ماوه‌یه‌كی كه‌مدا سه‌دان هه‌زار لایكی بۆ هات.

له‌ تۆڕه‌ كۆمه‌ڵایه‌تییه‌كان، چه‌ندین كۆمێنتی جۆراوجۆری ده‌ستخۆشییان بۆ هونه‌رمه‌نده‌ لاوه‌كه‌ نووسیووه‌ و پێشكه‌شكاری به‌رنامه‌ به‌ناوبانگه‌كانیان تاگ كردووه‌.
 

 

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın