جيهان

سەرەڕای ئاگربەست لە لیبیا پێکدادان بەردەوامە

لە هەندێک ناوچەی باشووری تەرابلوسی پایتەختی لیبیا شەڕوپێکدادان لەنێوان هێزەکانی سەر بە حکوومەتی تەوافوقی نیشتمانی و هێزەکانی جەنەرال خەلیفە حەفتەر روویان داوە.

Gülşen Topçu,Rewa Mahmood Hasan   | 13.08.2019
سەرەڕای ئاگربەست لە لیبیا پێکدادان بەردەوامە

Libyan

تەرابلوس-AA

لە هەندێک ناوچەی باشووری تەرابلوسی پایتەختی لیبیا شەڕوپێکدادان لەنێوان هێزەکانی سەر بە حکوومەتی تەوافوقی نیشتمانی و هێزەکانی جەنەرال خەلیفە حەفتەر روویان داوە.

سەرەڕای ئەوەی نەتەوە یەکگرتووەکان بانگهێشتی لایەنەکانی کردبوو بۆ ئاگربەست بەهۆی جەژنی قوربانەوە، لە عەین زارە، رێگەی فڕۆکەخانە، پێکدادان روویان داوە.

لە راگەیەندراوی هێزەکانی حکوومەتی تەوافوقی نیشتمانیدا کە رۆژی یەکشەممە بڵاویان کردبوویەوە، ئاماژە بەوە کرابوو کە هێزەکانی خەلیفە حەفتەر ئاگربەستیان شکاندووە.

جەنەڕاڵ خەلیفە حەفتەر لە ٤ی نیساندا فەرمانی هێرش کردنە سەر تەرابلوسی دا، لەسەر ئەوەش هێزەکانی حکوومەتی تەوافوقی نیشتمانی کە شەرعیەتی نێودەوڵەتی هەیە، ئۆپەراسیۆنی پێچەوانەی دەستپێکرد.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın