جيهان

سەرۆکی ھەرێم بەشداری ڕێوڕەسمی دەرچوونی ئەفسەرانی سەربازیی دەکات

سەرۆکی ھەریمی کوردستان و سەرۆکی گشتیی ھێزە چەکدارەکانی ھەرێم نێچیرڤان بارزانی، بەشداری لە خولێکی دیکەی دەرچووانی ئەفسەرانی پێشمەرگە کرد.

Fahrettin İbrahim   | 12.11.2019
سەرۆکی ھەرێم بەشداری ڕێوڕەسمی دەرچوونی ئەفسەرانی سەربازیی دەکات

Arbil

ھەولیر – AA

سەرۆکی ھەریمی کوردستان و سەرۆکی گشتیی ھێزە چەکدارەکانی ھەرێم نێچیرڤان بارزانی، بەشداری لە خولێکی دیکەی دەرچووانی ئەفسەرانی پێشمەرگە کرد.

٢٦ـەمین خولی دەرچووانی ئەفسەرانی پێشمەرگە لە ئاکادیمیای سەربازیی زاخۆ بەڕێوە چوو و دەرچوانی خولەکە دوای سڵاوی سەربازیی لەبەردەم سەرۆکی ھەرێم، سوێندی وەفادارییان بۆ نیشتمان دووپات کردەوە.

لە خولەکەدا ٩ مانگ راھێنان بە ئەفسەران کراوە و ١٣٣ قوتابی بڕوانامەی دەرچوون وەردەگرن، پلەکانیشیان لە مولازم تاوەکو عەقیدە.

لە رێوڕەسمەکەدا سەرۆکی ھەرێمی کوردستان نێچیرڤان بارزانی وتارێکی پێشکەش کرد و ویرای سوپاسکردنی ئەفسەران و مامۆستایانی ئاکادیمیای سەربازیی زاخۆ، گوتی: " ئاکادیمیای سەربازیی زاخۆ جێی شانازییە بۆ ھەرێمی کوردستان و عێراق".

بارزانی گوتی: "ھەرێمی کوردستان پێویستی بە ھێزێکی چەکداری نیشتمانی خاوەن دیسپیپلین و پرەنسیپی پێشکەوتووە. پابەندی و وابەستەیی و دڵسۆزیی بۆ نیشتمان دەبێت بنەمای پەروەردەیی و خەبات و کاری ئێوە بێت".

سەرۆکی ھەرێمی کوردستان رایگەیاند: "پێشمەرگە و ھێزە ئەمنییەکان و خۆبەخشان لە شەڕی دژ بەداعش بەشدارییان کرد و فیداکارییان کرد. ئەوە دەرفەت بوو کە لێی فێر ببین بۆ ئەوەی بزانین چ ھێزێکی تۆکمە لەسەر بنەما سەربازییەکان بونیاد بنێین".

گوتیشی: "دەبێت پەند و وانە لە ئەزموونەکانی رابردوو وەربگرین و دەبی ھێزێکی سەربازیی سەردەمیانە بونیاد بنێن و لە یەک ناوەندی بڕیار کۆنتڕۆڵ و سەرکردایەتی بکرێت".

سەرۆکی ھەرێمی کوردستان نێچیرڤان بارزانی ھەروەھا بۆ ئامادەبووانی راگەیاند، "سەرۆکایەتی ھەرێمی کوردستان و حکوومەتی ھەرێمی کوردستان، بابەتی رێکخستن و یەکخستنی پێشمەرگەی لە وەزارەتی پێشمەرگە بە ھەند وەرگرتووە و کاری بۆ دەکات و ھەموو ھەوڵێک دەخەینە گەر بۆ ئەنجام گەیاندنی".

لە کۆتایی وتارەکەیدا سەرۆکی ھەرێمی کوردستان سوپاسی ھەریەکە لە وڵاتانی ئەمریکا، ئەڵمانیا و ھۆڵەندای کرد بە ھۆی ئەو مەشق و یارمەتییانەی کە پێشکەش بە ھێزەکانی پێشمەرگەیان کردووە .


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın