جيهان

سوید به‌ڵێنه‌كانی ناتانیاهو سەربارەت بە دۆڵی ئوردن ئیدانە ده‌كات

Atila Altuntaş   | 11.09.2019
سوید به‌ڵێنه‌كانی ناتانیاهو سەربارەت بە دۆڵی ئوردن ئیدانە ده‌كات

Stockholms Lan

ستۆكهۆڵم - AA

وه‌زیری ده‌ره‌وه‌ی سوید، ئان لیندی به‌ڵێنه‌كانی هه‌ڵبژاردنی سه‌رۆكوه‌زیرانی ئیسرائیل، بێنیامین ناتانیاهوی ئیدانە كرد كه‌ به‌ڵێنی داوه‌، ناوچه‌كانی دۆڵی ئوردن له‌ كه‌ناری رۆژئاوا و باكووری ده‌ریای مردوو داگیربكات.

ئان لیندی كه‌ وه‌ك وه‌زیری ده‌ره‌وه‌ ده‌ستبه‌كاربووه‌، ده‌ستبه‌جێ له‌ كه‌ناڵی SVTی ده‌وڵه‌ته‌وه‌ لێدوانێکی دا و ئیدانه‌ی به‌ڵێنه‌كانی ناتانیاهوی كرد و گوتی: "به‌ڕای من لێدوانێکی ناشیرینه‌. یه‌كێتیی ئه‌ورووپا و كۆمه‌ڵگه‌ی نێوده‌وڵه‌تیش ده‌ڵێن كه‌ ئه‌مه‌ پێچه‌وانه‌ی یاسا نێوده‌وڵه‌تییه‌كانه‌. پێویسته‌ چاره‌سه‌ری دوو ده‌وڵه‌ت پێشمه‌رجی بابه‌ته‌كه‌ بێت".

دوای ئه‌وه‌ی وه‌زیری ده‌ره‌وه‌ی پێشووی سوید، مارگۆت واڵسترۆم كۆتایی هه‌فته‌ به‌بیانووی ئه‌وه‌ی ناتوانێت كات بۆ خێزانه‌كه‌ی دابین بكات ده‌ستی له‌كاركێشایه‌وه‌، ئان لیندی ته‌مه‌ن 57 ساڵ كه‌ وه‌زیری بازرگانی بوو لە شوێنی ناوبراو بۆ پۆستی وه‌زاره‌تی ده‌ره‌وه‌ی ئه‌و وڵاته‌ راسپێردرا.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın