جيهان

سه‌رۆكوه‌زیرانی مالیزیا له‌ ماڵه‌وه‌ خۆی كه‌ره‌نتینه‌ كرد

- به‌ هۆی دیداری له‌گه‌ڵ كه‌سێكی هه‌ڵگری ڤایرۆسی كۆرۆنای نوێ، سه‌رۆكوه‌زیرانی مالیزیا یاسین، له‌ ماڵه‌وه‌ خۆی كه‌ره‌نتینه‌ كرد.

22.05.2020
سه‌رۆكوه‌زیرانی مالیزیا له‌ ماڵه‌وه‌ خۆی كه‌ره‌نتینه‌ كرد

Kuala Lumpur

كوالا لامپور - AA

سه‌رۆكوه‌زیرانی مالیزیا، موحیدین یاسین، به‌ هۆی دیداری له‌گه‌ڵ كه‌سێكدا له‌ ئۆفیسه‌كه‌یدا كه‌ توشی په‌تای ڤایرۆسی كۆرۆنای نوێ (Covid-19) بووه‌، له‌ ماڵه‌وه‌ خۆی كه‌ره‌نتینه‌ كرد.

له‌ راگه‌یه‌ندراوێكدا كه‌ له‌ لایه‌ن نووسینگه‌ی سه‌رۆكایه‌تی وه‌زیرانه‌وه‌ بڵاوكراوه‌ته‌وه‌، باس له‌وه‌ كراوه‌ كه‌سێك كه‌ دوای كۆبوونه‌وه‌ی ئه‌نجوومه‌نی وه‌زیران، له‌ رۆژی چوارشه‌ممه‌ ٢٠ی ئایاردا، رووبه‌ڕوو گفتوگۆی له‌گه‌ڵ سه‌رۆكوه‌زیران كردووه‌ توشی په‌تای ڤایرۆسی كۆرۆنای نوێ بووه‌.

له‌ راگه‌یه‌ندراوه‌كه‌دا ئاماژه‌ به‌وه‌ كراوه‌ كه‌ پشكنینه‌كه‌ی موحیدین یاسین نێگه‌تیڤ ده‌رچووه‌، له‌گه‌ڵ ئه‌وه‌شدا بڕیاریداوه‌ له‌مڕۆوه‌ بۆ ماوه‌ی ١٤ رۆژ له‌ ماڵه‌وه‌ خۆی كه‌ره‌نتینه‌ بكات.

باس له‌وه‌یش كرا كه‌ باری ته‌ندروستی سه‌رۆكوه‌زیران باشه‌ و، به‌ درێژایی ماوه‌ی كه‌ره‌نتینه‌كه‌ به‌ پابه‌ندبوون به‌ دووره‌په‌رێزی كۆمه‌ڵایه‌تی به‌رده‌وام ده‌بێت له‌سه‌ر ئه‌ركه‌كه‌ی.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın