دۆناڵد ترەمپ ئازداکردنی ھاووڵاتییەکی ئەمریکایی لەلایەن ئێرانەوە ڕاگەیاند

سەرۆکی ئەمریکا، دۆناڵد ترەمپ ڕایگەیاند، ئێران ھاووڵاتییەکی ئەمریکایی ئازادکردووە کە لە کانوونی یەکەمی ٢٠٢٤وە لەو وڵاتە دەستبەسەرکرابوو.

دۆناڵد ترەمپ لە تۆڕی کۆمەڵایەتی نووسیوویەتی: "ئەو ھاووڵاتییە ئەمریکاییە لە سەردەمی دەسەڵاتی سەرۆکی پێشوو، جۆ بایدان لە ئێران بە ناڕەوا دەستگیرکرابوو".

ھەروەھا سەرۆکی ئەمریکا ئاماژەی بەوەشداوە، ئەو ھاووڵاتییە ئەمریکاییە گەیشتووەتە دەرەوەی ئێران و باری تەندروستیی جێگیر و باشە.

دۆناڵد ترەمپ ڕاشیگەیاندووە: "ئەمریکا پێزانینی بۆ ئەم ھەنگاوە ھەیە کە نیازپاکی ئێران نیشان دەدات".

تا ئێستا حکوومەتی ئێران، بە فەرمی ھیچ ڕاگەیاندراوێکی لەوبارەیەوە بڵاونەکردووەتەوە.