دوای بەریەککەوتنی دوو کەشتی لە گەرووی ھورمز ٢٣ کەس لەلایەن ئێرانەوە ڕزگارکران

دوای ئەوەی دوو کەشتی لە باکووری دوورگەی قشم لە گەرووی ھورمز بەڕێکەوتن، دەسەڵاتدارانی ئیران ٢٣ کەسیان لەناو یەکێک لەو کەشتییانە ڕزگارکرد.

ئاژانسی ھەواڵی "فارس" بڵاوی کردەوە کە بەیانی ئەمڕۆ سێشەممە، کەشتییەکی بەرھەڵگر لە دوورگەی قشم لەگەڵ کەشتییەکی دیکەدا بەریەککەوتوون و بەھۆیەوە زیان بەر کەشتییە بارھەڵگرەکەدا کەوتووە.

ئاژانسەکە ئاماژەی بەوەشداوە کە دوای ڕووداوەکە، ٢٣ کەسی بیانی لەناو کەشتییە بارھەڵگرەکە، لەلایەن دەسەڵاتدارانی ئێرانەوە ڕزگارکراون و گواستراونەتەوە بۆ دوورگەی قشم.