سياسەت, جيهان, عێراق

خۆپیشاندانی لایەنگرانی سەدر بۆ پشتیوانیکردنی گەلی فەڵەستین

ھەزاران کەس لە لایەنگرانی رێبەری رەوتی سەدر، موقتەدا سەدر لە شاری بەغدای پایتەختی عێراق گردبوونەوە و ھێرشەکانی ئیسرائیل-یان بۆسەر فەڵەستین پرۆتێستۆ کرد.

Haydar Karaalp   | 16.05.2021
خۆپیشاندانی لایەنگرانی سەدر بۆ پشتیوانیکردنی گەلی فەڵەستین

Bağdat

بەغدا - AA

ھەزاران کەس لە لایەنگرانی رێبەری رەوتی سەدر، موقتەدا سەدر لە شاری بەغدای پایتەختی عێراق گردبوونەوە و ھێرشەکانی ئیسرائیل-یان بۆسەر فەڵەستین پرۆتێستۆ کرد.


رۆژی ھەینی ١٥ی ئایاری ٢٠٢١، خۆپیشاندەران لە گۆڕەپانی تەحریری شاری بەغدا کۆبوونەوە و دروشمەکانی وەک "نەخێر بۆ ئیسرائیل، "ئەمریکا و ئیسرائیل دەڕوخێن، فەڵەستین دەمێنێتەوە"، "قودس پایتەختی گشت ئاینەکان" و " نا بۆ ئاسایکردنەوەی پەیوەندییەکان"-یان، بەرزکردەوە و بەم ھۆیەوەش ناڕەزایەتی خۆیان بەرامبەر ئیسرائیل و ئەمریکا نیشاندا.

خۆپیشاندەران ئاڵای عێراق و فەڵەستینیان بەرزکردەوە و ھەردوو ئاڵای ئیسرائیل و ئەمریکاشیان لەسەر شەقام راخست و دواتریش ئاڵای ئەو دوو وڵاتەیان (ئیسرائیل و ئەمریکا) سوتاند.

رێوشوێنی ئەمنی توند لەکاتی بەڕێوەچوونی خۆپیشاندانەکەی بەغدا گیرایەبەر.

لەوەو پێش رێبەری رەوتی سەدر، موقتەدا سەدر لە توێتێکدا بانگەوازی بۆ ئەنجامدانی گردبوونەوەی جەماوەریی بەمەبەستی پشتیوانیکردنی گەلی فەڵەستین کردبوو.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın