جيهان

جیبۆتی.. قاچاخچییان كۆچبه‌رانیان فڕێدایه‌ نێو ده‌ریاوه‌ و ٢٠ كۆچبه‌ر گیانیان له‌ده‌ستدا

رێكخراوی نێوده‌وڵه‌تیی كۆچ (IOM) بڵاویكرده‌وه‌، له‌ جیبۆتی له‌ كۆی ٨٠ كۆچبه‌ر كه‌ له‌لایه‌ن قاچاخچییانی مرۆڤه‌وه‌ فڕێدرابوونه‌ نێو ده‌ریاوه‌، لانیكه‌م ٢٠یان گیانیان له‌ده‌ستداوه‌.

Tufan Aktaş   | 04.03.2021
جیبۆتی.. قاچاخچییان كۆچبه‌رانیان فڕێدایه‌ نێو ده‌ریاوه‌ و ٢٠ كۆچبه‌ر گیانیان له‌ده‌ستدا

Istanbul

ئیستانبوڵ- AA

رێكخراوی نێوده‌وڵه‌تیی كۆچ (IOM) بڵاویكرده‌وه‌، له‌ جیبۆتی له‌ كۆی ٨٠ كۆچبه‌ر كه‌ له‌لایه‌ن قاچاخچییانی مرۆڤه‌وه‌ فڕێدرابوونه‌ نێو ده‌ریاوه‌، لانیكه‌م ٢٠یان گیانیان له‌ده‌ستداوه‌.

به‌ڕێوه‌به‌ری ناوچه‌ی قۆچی ئه‌فریقا و خۆرهه‌ڵاتی ئه‌فریقا له‌ رێكخراوی نێوده‌وڵه‌تیی كۆچ، محه‌مه‌د ئابدیكه‌ر له‌ په‌یامێكدا كه‌ له‌ رێگه‌ی تویته‌ره‌وه‌ بڵاویكردووه‌ته‌وه‌، ئاماژه‌ی به‌وه‌كردووه‌ له‌ كۆی ٨٠ كۆچبه‌ر كه به‌ره‌و یه‌مه‌ن ده‌چوون و‌ له‌نێو به‌له‌می قاچاخچییه‌كه‌وه‌ فڕێدراونه‌ته‌ نێو ده‌ریاوه‌، لانیكه‌م ٢٠یان له‌ كه‌ناراوه‌كانی ئۆبۆك له‌ جیبۆتی گیانیان له‌ده‌ستداوه‌.

محه‌مه‌د ئابدیكه‌ر باسی له‌وه‌شكردووه‌، هه‌زاران گه‌نج و لاوی ئه‌فریقی به‌مه‌به‌ستی گه‌یشتن به‌ وڵاتانی كه‌نداو له‌ هه‌وڵدان بۆ ئه‌وه‌ی بگه‌نه‌ یه‌مه‌ن و رووداوه‌كه‌ی ئه‌مڕۆ سێیه‌م تراژیدیایه‌ كه‌ له‌ ماوه‌ی شه‌ش مانگی رابردوودا روویداوه‌ و تا ئێستاش زیاتر له‌ ٧٠ كه‌س گیانیان له‌ده‌ستداوه‌.

قاچاخچییانی مرۆڤ له‌ ترسی ئه‌وه‌ی له‌لایه‌ن هێزه‌ ئه‌منییه‌كانه‌وه‌ ده‌ستگیرنه‌كرێن و هه‌ڵبێن، ناوه‌ ناوه‌ كۆچبه‌ران فڕێده‌ده‌نه‌ نێو ده‌ریاوه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın