ئیمانوێل ماکرۆن: "سوپاسی تورکیا دەکەین لەھەمبەر ناردنی دوو فڕۆکەی ئاگرکوژێنەوە بۆ فەڕەنسا"

سەرکۆماری فەڕەنسا، ئیمانوێل ماکرۆن سوپاسی تورکیای کرد لەھەمبەر ئەوەی دوو فڕۆکەی ئاگرکوژینەوەی بۆ یارمەتیدان لە کوژاندنەوەی ئاگری دارستانەکان بۆ فەڕەنسا ناردووە.

ئیمانوێل ماكرۆن لە تۆڕی کۆمەڵایەتی نووسیوویەتی: "سوپاسی تورکیا دەکەین لەھەمبەر ئەوەی دوو فڕۆکەی ئاگرکوژێنەوەی بۆ فەڕەنسا ناردووە".

پێشتر وەزیری کشتوکاڵ و دارستانی تورکیا، ئیبراھیم یوماکلی ڕایگەیاندبوو کە دوو فڕۆکەیان بۆ بەشداریکردن لە کوژاندنەوەی ئاگری دارستانەکانی فەڕەنسا، ڕەوانەی ئەو وڵاتە کردووە.