جيهان

ئه‌مریكا كاروانێكی دیكه‌ی هاوكاری مرۆیی بۆ ڤێنیزوێلا ره‌وانه‌ ده‌كات

- ئیداره‌ی ئه‌مریكا له‌ سه‌ر داواكاری سه‌رۆكی ئه‌نجوومه‌نی نیشتیمانی ڤێنیزوێلا، خوان گوایدۆ كه‌ خۆی وه‌ك سه‌رۆكی كاتی وڵاته‌كه‌ی ناساندووه‌، له‌ سنووری كۆڵۆمبیاوه‌ كاروانێكی دیكه‌ی هاوكاری مرۆیی بۆ ڤێنیزوێلا ره‌وانه‌ ده‌كات.

Safvan Allahverdi,Ramal Abdullah Mahmood   | 16.02.2019
ئه‌مریكا كاروانێكی دیكه‌ی هاوكاری مرۆیی بۆ ڤێنیزوێلا ره‌وانه‌ ده‌كات

Washington DC

واشنتۆن – AA

ئیداره‌ی ئه‌مریكا له‌ سه‌ر داواكاری سه‌رۆكی ئه‌نجوومه‌نی نیشتیمانی ڤێنیزوێلا، خوان گوایدۆ كه‌ خۆی وه‌ك سه‌رۆكی كاتی وڵاته‌كه‌ی ناساندووه‌، له‌ سنووری كۆڵۆمبیاوه‌ كاروانێكی دیكه‌ی هاوكاری مرۆیی بۆ ڤێنیزوێلا ره‌وانه‌ ده‌كات.

جێگری گوته‌بێژی وه‌زاره‌تی ده‌ره‌وه‌ی ئه‌مریكا، رۆبه‌رت پاڵادینۆ له‌ راگه‌یه‌ندراوێكدا تیشكی خستۆته‌ سه‌ر ئه‌وه‌ی به‌ ده‌م داواكارییه‌ به‌په‌له‌كه‌ی گوادیۆ-وه‌ چوون و نووسیوویه‌تی: "وه‌زاره‌تی ده‌ره‌وه‌ به‌ هه‌ماهه‌نگی له‌گه‌ڵ ئاژانسی گه‌شه‌پێدانی نیشتیمانی ئه‌مریكا و وه‌زاره‌تی به‌رگری له‌ ١٦ی شوبات له‌ شاری كوكوتا-ی كۆڵۆمبیا كاروانێكی هاوكاری مرۆیی راده‌ستی ڤێنیزوێلا ده‌كات".

پاڵادینۆ بانگه‌شه‌ی ئه‌وه‌ی كردووه‌ كه‌ ره‌وانه‌كردنی كاروانی هاوكارییه‌ مرۆییه‌كان ده‌رخه‌ری هاوسۆزی ئه‌مریكایه‌ بۆ گه‌لی ڤێنیزوێلا و ده‌ڵێت : "ئه‌و هاوكاریانه‌ به‌شێكی زۆری پێداویستییه‌كانی گه‌لی لێقه‌وماوی ڤێنیزوێلا پڕ ده‌كه‌نه‌وه‌".

ناوبراو داوایشی له‌ سه‌رۆكی ڤێنیزوێلا، نیكۆڵاس مادورۆ كردووه‌ رێگه‌ به‌ تێپه‌ڕینی كاروانی هاوكارییه‌ مرۆییه‌كان بدات بۆی ئه‌وه‌ی بگه‌نه‌ ده‌ستی لێقه‌وماوان.



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın