جيهان

ئه‌مریكا سزای به‌سه‌ر دامه‌زراوه‌یه‌كی حكوومه‌تی چین و به‌رپرسانی ده‌زگاكه‌دا سه‌پاند

حكوومه‌تی ئه‌مریكا به‌هۆی رۆڵگێڕانیان له‌ پێشێلكردنی مافه‌كانی توركه‌ ئویگوره‌كان له‌ هه‌رێمی خۆڕێبه‌ری ئویگوری سینجان بڕیاری دا دامه‌زراوه‌یه‌كی حكوومه‌تی چین و به‌رپرسانی ده‌زگاكه‌ بخاته‌ لیستی سزاكانه‌وه‌.

Dildar Baykan   | 01.08.2020
ئه‌مریكا سزای به‌سه‌ر دامه‌زراوه‌یه‌كی حكوومه‌تی چین و به‌رپرسانی ده‌زگاكه‌دا سه‌پاند

Washington DC
واشنتۆن - AA

حكوومه‌تی ئه‌مریكا به‌هۆی رۆڵگێڕانیان له‌ پێشێلكردنی مافه‌كانی توركه‌ ئویگوره‌كان له‌ هه‌رێمی خۆڕێبه‌ری ئویگوری سینجان بڕیاری دا دامه‌زراوه‌یه‌كی حكوومه‌تی چین و به‌رپرسانی ده‌زگاكه‌ بخاته‌ لیستی سزاكانه‌وه‌.

وه‌زاره‌تی گه‌نجینه‌ی ئه‌مریكا رایگه‌یاند: "به‌هۆی پێشێكلردنی مافه‌كانی مرۆڤ به‌ شێوه‌یه‌كی جیدی به‌رامبه‌ر كه‌مه‌ نه‌ته‌وه‌ له‌ هه‌رێمی خۆڕێبه‌ری ئویگوری سینجان بڕیارماندا دامه‌زراوه‌یه‌كی حكوومه‌تی چین و دوو كه‌س كه‌ یه‌كێكیان پێشتر به‌رپرسی دامه‌زراوه‌كه‌ بووه‌ و ئه‌وه‌ی دیكه‌یشیان ئێستا به‌رپرسی دامه‌زراوه‌كه‌یه‌ بخه‌ینه‌ لیستی سزاكانه‌وه‌".

ئاماژه‌ به‌وه‌ش دراوه‌ كه‌ ئه‌و دامه‌زراوه‌یه رۆڵی هه‌بووه‌ له‌ ده‌ستبه‌سه‌ركردنی توركه‌ ئویگوره‌كان به‌ شێوه‌یه‌كی به‌رفراوان و ئه‌شكه‌نجه‌دانیان. تیشكیش خراوه‌ته‌ سه‌ر ئه‌وه‌ی كه‌ دامه‌زراوه‌كه‌ Xinjiang Production and Construction Corps (یه‌كێتیی ئاوه‌دانكردنه‌وه‌ و به‌رهه‌مهێنانی سینجان)ه‌ و به‌رپرسی پێشووی دامه‌زراوه‌كه‌ سون جینلۆگ و به‌رپرسی ئێستای دامه‌زراوه‌كه‌ش پێنگ جیاروی'یه‌ كه‌ ناویان خراوه‌ته‌ لیسته‌كه‌وه‌.

هه‌ر له‌ راگه‌یه‌ندراوه‌كه‌دا بۆچوونی وه‌زیری گه‌نجینه‌ی ئه‌مریكا، ستیڤین منوچین خراوه‌ته‌ روو كه‌ گوتوویه‌تی: "وه‌ك ئه‌وه‌ی پێشتر ئاماژه‌مان پێداوه‌ ئه‌مریكا پێداگیره‌ له‌وه‌ی ته‌واوی هێزی ئابووری خۆی بۆ لێپرسینه‌وه‌ له‌وانه‌ به‌كار بهێنێت كه‌ له‌ سه‌رتاسه‌ری جیهاندا مافه‌كانی مرۆڤ پێشێل ده‌كه‌ن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın