جيهان

ئه‌مریكا.. ده‌یان هه‌زار كه‌س به‌شداریان له‌ رێپێوانی ژناندا كرد

- ده‌یان هه‌زار كه‌س كه‌ به‌شداریان له‌ رێپێوانی ژناندا كرد له‌ ئه‌مریكا به‌تایبه‌تی له‌ واشنتۆن و نیویۆرك پرۆتێستۆی سیاسه‌ته‌كانی حكوومه‌ته‌كه‌ی دۆناڵد تره‌مپ-یان كرد.

Hakan Çopur,İslam Doğru,Hemın Othman Mohammed  | 20.01.2019
ئه‌مریكا.. ده‌یان هه‌زار كه‌س به‌شداریان له‌ رێپێوانی ژناندا كرد

Washington DC

واشنتۆن - AA

ده‌یان هه‌زار كه‌س كه‌ به‌شداریان له‌ رێپێوانی ژناندا كرد له‌ ئه‌مریكا كه‌ ئه‌مساڵ سێیه‌مینی رێكده‌خرێت، به‌ خۆپیشاندان له‌ سه‌رتاسه‌ری ئه‌و وڵاته‌دا به‌تایبه‌تی واشنتۆن و نیویۆرك پرۆتێستۆی سیاسه‌ته‌كانی حكوومه‌ته‌كه‌ی دۆناڵد تره‌مپ-یان كرد.

خۆپیشانده‌ران كاته‌كانی به‌یانی زوو ده‌ستیانكرد به‌ گردبوونه‌وه‌ له‌ ده‌ورووبه‌ری فریدم پلازا له‌ واشنتۆنی پایته‌خت و پاشان به‌ به‌رزكردنه‌وه‌ی دروشم و هوتافکێشان له‌ به‌رده‌م تره‌مپ ئینته‌رناشناڵ هۆتێل كۆبوونه‌وه‌.

خۆپیشانده‌ران به‌ هوتافكێشان له‌باره‌ی سیاسه‌ته‌كانی حكوومه‌ته‌كه‌ی تره‌مپ سه‌باره‌ت به‌ كۆچ، دیواری سنووری مه‌كسیك و یه‌كسانی ره‌گه‌زی، درێژه‌یان دا به‌ رێپێوانه‌كه‌یان.

رێكخراوه‌كانی كۆمه‌ڵگه‌ی مه‌ده‌نی موسڵمانی ئه‌مریكی پشتیوانیان له‌ رێپێوانه‌كه‌ی واشنتۆندا كرد.

- خۆپیشاندانه‌كانی نیویۆرك

نوێنه‌ری دیموكراته‌كان له‌ نیویۆرك، ئالێكساندریا ئۆكاسیا-كۆرتێز كه‌ له‌ هه‌ڵبژاردنه‌ ناوه‌ندییه‌كانی شه‌شی تشرینی دووه‌م بۆ كۆنگرێس هه‌ڵبژێردرا و ناونیشانی گه‌نجترین ئه‌ندامی وه‌رگرتووه‌، به‌شداری له‌ رێپێوانه‌كه‌ی نیویۆركدا كرد.

خۆپیشانده‌ران به‌ هوتافكێشان و به‌رزكردنه‌وه‌ی دروشمی "نه‌خێر بۆ دیوار، نه‌خێر بۆ تره‌مپ" و "تره‌مپ حكوومه‌ت بكه‌ره‌وه‌" پرۆتێستۆی حكوومه‌تیان كرد.

خۆپیشانده‌ران كه‌ ژماره‌یان نزیكه‌ی 20 هه‌زار كه‌س ده‌بوو، دوای خۆپیشاندانه‌كه‌یان به‌بێ هیچ رووداوێك بڵاوه‌یان كرد و كۆتاییان به‌خۆپیشاندانه‌كه‌یان هێنا.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın