واشنتۆن – AA

وه‌زیری ده‌ره‌وه‌ی ئه‌مریكا، مایك پۆمپیۆ خۆشحاڵی خۆی ده‌ربڕی به‌ په‌سه‌ندكردنی راگه‌یه‌ندراوی ئولا ٤١ه‌مین لوتكه‌ی كۆنسه‌ی هه‌ماهه‌نگی كه‌نداو كه‌ كۆتایی ده‌هێنێت به‌و سزایانه‌ی له‌سه‌ر قه‌ته‌ر داندراون و هیوای خواست بۆ چاره‌سه‌ركردنی كێشه‌كانی نێوانیان وڵاتانی كه‌نداو به‌یه‌كه‌وه‌ كار بكه‌ن.

پۆمپیۆ له‌ راگه‌یه‌ندراوێكدا له‌باره‌ی لوتكه‌كه‌وه‌ نووسیوویه‌تی: "په‌سه‌ندكردنی راگه‌یه‌ندراوی ئولا له‌ لوتكه‌ی كۆنسه‌ی هه‌ماهه‌نگی كه‌نداو كه‌ هه‌نگاوێكی باشه‌ بۆ هه‌ماهه‌نگی له‌نێوان وڵاتانی كه‌نداو و وڵاتانی عه‌ره‌بیدا. یه‌كگرتنی وڵاتانی كه‌نداو ده‌بێته‌ هۆی پاراستنی ئارامی زیاتر و دابینكردنی خزمه‌تگوزاری و خۆشگوزه‌رانییه‌كان بۆ خه‌ڵكی كه‌نداو. به‌ خۆشحاڵییه‌وه‌ پێشوازی له‌و بڕیاره ده‌كه‌ین بۆ هه‌ماهه‌نگی له‌نێوان وڵاتاندا له‌ بواره‌ جیاوازه‌كانی وه‌ك سه‌ربازی، ئابووری، ته‌ندروستی و به‌ره‌نگاربوونه‌وه‌ی گه‌نده‌ڵی".

وه‌زیری ده‌ره‌وه‌ی ئه‌مریكا هیوای خواست كه‌ كێشه‌كانی نێوان وڵاتانی كه‌نداو چاره‌سه‌ر بكرێن و گوتی: "بۆ یه‌كخستنی ناوچه‌كه‌ به‌رامبه‌ر هه‌ڕه‌شه‌ هاوبه‌شه‌كان بونیادنانه‌وه‌ی ته‌واوی په‌یوه‌ندییه‌ دیپلۆماسییه‌كان پێویسته‌. كاتێك به‌یه‌كه‌وه‌ بین به‌هێزترین".

پۆمپیۆ سوپاسی هه‌وڵه‌كانی كوێت'یشی كرد بۆ ره‌وانه‌كردنه‌وه‌ی گرژییه‌كانی نێوان وڵاتانی كه‌نداو.
هه‌ریه‌ك له‌ سعوودیه‌، ئیمارات، به‌حرێن و میسر له‌ پێنجی حوه‌زیرانی ٢٠١٧ به‌تۆمه‌تی "پشتیوانیکردن له‌ گرووپه‌ تیرۆریستییه‌كان" ته‌واوی په‌یوه‌ندییه‌ دیپلۆماتییه‌كانیان له‌گه‌ڵ قه‌ته‌ر بڕی و گه‌مارۆی ئابوورییان خسته‌ سه‌ر قه‌ته‌ر.

قه‌ته‌ریش لای خۆیه‌وه‌ ته‌واوی ئه‌و تۆمه‌تانه‌ی ره‌تكرده‌وه‌.