سياسەت, جيهان

ئازه‌ربایجان: "ئه‌رمینیا پابه‌ند نییه‌ به‌ ئاگربه‌ست‌"

سوپای ئه‌رمینیا پابه‌ند نییه‌ به‌ ئاگربه‌ستی كاتی له‌نێوان ئه‌رمینیا و ئازه‌ربایجان.

Ruslan Rehimov   | 18.10.2020
ئازه‌ربایجان: "ئه‌رمینیا پابه‌ند نییه‌ به‌ ئاگربه‌ست‌"

Baki

باكۆ – AA

سوپای ئه‌رمینیا پابه‌ند نییه‌ به‌ ئاگربه‌ستی كاتی له‌نێوان ئه‌رمینیا و ئازه‌ربایجان.

وه‌زاره‌تی به‌رگریی ئازه‌ربایجان رایگه‌یاند کە هێزه‌كانی ئه‌رمینیا له‌ رێگای ئاراسته‌كردنی گولـله‌تۆپ و هاوەنه، هێرشیان كردووه‌ته‌ سه‌ر ناوچه‌كانی ده‌ورووبه‌ری شاری جه‌برائیل و ئه‌و گوندانه‌ی کە به‌ درێژایی رووباری ئاراس‌ رزگاركراون.

له‌ راگه‌یه‌ندراوه‌كه‌دا تیشك خراوه‌ته‌ سه‌ر ئه‌وه‌ی كه‌ سه‌ربازانی ئازه‌ربایجان به‌هۆی هێرشه‌كانه‌وه‌ قوربانییان نه‌بووه‌، هه‌روه‌ها به‌رپه‌رچی پێویستی سوپای ئه‌رمینیاش دراوه‌ته‌وه‌.

له‌ راگه‌یه‌ندراوێكی دیكه‌ی وه‌زاره‌تی به‌رگریدا تیشك خراوه‌ته‌ سه‌ر ئه‌وه‌ی كه‌ تا راگه‌یاندنی ئاگربه‌سته‌كه‌ی بەرەبەیانی ئەمڕۆ، ژماره‌یه‌ك سەکۆی ئاراسته‌كردنی مووشه‌كی فڕۆكه‌شكێن، تانك، سیسته‌می مووشه‌كی گراد، سیسته‌می مووشه‌كهاوێژ، تۆپهاوێژ، تۆپی فڕۆكه‌شكێن و شه‌ش ئۆتۆمبێلی سه‌ربازیی تێك شكێندراون.

هه‌روه‌ها تیشكیش خراوه‌ته‌ سه‌ر ئه‌وه‌ی كه‌ له‌ ته‌واوی به‌ره‌كاندا سوپای ئازه‌ربایجان باڵاده‌سته‌.

ئاگربه‌ستی كاتی نێوان ئازه‌ربایجان و ئه‌رمینیا به‌مه‌به‌ستی مرۆیی كاتژمێر ٠٠:٠١ی ئەمڕۆ به‌ كاتی خۆجێیی كه‌وته‌ واری جێبه‌جێكردن. ‌

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın