تەندروستی, عێراق, کۆڤید- ١٩

ھەرێمی کوردستان.. ٧٢ کەسی دیکە تووشی کۆرۆنا بوون

وەزارەتی تەندروستیی ھەرێمی کوردستان: 'لە میانی ٢٤ کاتژمێری رابردوودا، ٧٢ کەس تووشی ڤایرۆسی کۆرۆنای نوێ بوون".

Heman Hussein Yaseen   | 15.02.2021
ھەرێمی کوردستان.. ٧٢ کەسی دیکە تووشی کۆرۆنا بوون

Arbil

ھەولێر - AA

وەزارەتی تەندروستیی ھەرێمی کوردستان رایگەیاند کە لە میانی ٢٤ کاتژمێری رابردوودا، ٧٢ کەس تووشی ڤایرۆسی کۆرۆنای نوێ (COVID-19) بوون، بەمەش ژمارەی حاڵەتەکانی تووشبوون بە ڤایرۆسەکە گەیشتە ١٠٧ ھەزار و ٤٨ حاڵەت.

وەزارەتی تەندروستیی ھەرێمی کوردستان لە راگەیەندراوێکدا ئاماری ٢٤ کاتژمێری رابردووی ڤایرۆسی کۆرۆنای نوێی بڵاوکردووەتەوە و ئەوەی خستووەتەڕوو کە لە میانی ٢٤ کاتژمێری رابردوودا لە ئەنجامی شه‌ش ھەزار و ٢٤١ پشکنین، ٧٢ تووشبووی نوێ بە ڤایرۆسی کۆرۆنا تۆمارکراون.

لە راگەیەندراوەکەی وەزارەتی تەندروستیی ھەرێمی کوردستاندا ئامارەکانی تووشبوون و گیانلەدەستدان لە میانی ٢٤ کاتژمێری رابردوودا بەم شێوەیە بووە:

لە ھەولێر ٣٠ حاڵەت، سلێمانی ١٢ حاڵەت، دھۆک ٢٥ حاڵەت و ئیدارەی گەرمیان پێنج حاڵەت.

ئاماژەی بەوەشداوە کە لە میانی ٢٤ کاتژمێری رابردوودا، ١٠٥ کەس لە ڤایرۆسەکە چاکبوونەتەوە.

لە هەرێمی کوردستان تا ئێستا ١٠٧ ھەزار و ٤٨ کەس تووشی کۆرۆنا بوون و سێ ھەزار و ٤٩٩ کەس بەهۆی ڤایرۆسەکە گیانیان لەدەستداوە.



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın