تەندروستي

چین.. هه‌زار و ٧٧١ كه‌س به‌هۆی ڤایرۆسی كۆرۆناوه گیانیان له‌ده‌ستداوه‌‌

- ژماره‌ی ئه‌و كه‌سانه‌ی له‌ چین به‌هۆی ڤایرۆسی كۆرۆناوه گیانیان له‌ده‌ستداوه‌‌، به‌رزبووه‌ته‌وه‌ بۆ هه‌زار و ٧٧١ كه‌س.

Fuat Kabakcı   | 17.02.2020
چین.. هه‌زار و ٧٧١ كه‌س به‌هۆی ڤایرۆسی كۆرۆناوه گیانیان له‌ده‌ستداوه‌‌

Beijing

په‌كین - AA

ژماره‌ی ئه‌و كه‌سانه‌ی له‌ چین به‌هۆی په‌تای جۆری نوێی ڤایرۆسی كۆرۆنا (Kovid-19)وه گیانیان له‌ده‌ستداوه‌‌، به‌رزبووه‌ته‌وه‌ بۆ هه‌زار و ٧٧١ كه‌س.

به‌پێی راگه‌یه‌ندراوی كۆمیسیۆنی ته‌ندروستی چین، ژماره‌ی تووشبووان به‌ ڤایرۆسی‌ Kovid-19 له‌و وڵاته‌ گه‌یشتووه‌ته ‌٧٠ هه‌زار و ٥٤٨ كه‌س، له‌و ژماره‌یه‌ش‌ باری ته‌ندروستی نزیكه‌ی ١٠ هه‌زار و ٦٤٤ كه‌سیان ناجێگیره‌. هه‌روه‌ها ژماره‌ی ئه‌و كه‌سانه‌ی به‌هۆی په‌تاكه‌‌وه‌ گیانیان له‌ده‌ستداوه‌ گه‌یشتووه‌ته‌ هه‌زار و ٧٧١ كه‌س كه‌ یه‌كێكیان له‌ هۆنگ كۆنگ-ه‌.

له‌ راگه‌یه‌ندراوه‌كه‌دا باس له‌وه‌ كراوه‌ له‌ كاتێكدا‌ ژماره‌ی ئه‌وانه‌ی گومانی توشبوونیان به‌ ڤایرۆسه‌كه‌ لێده‌كرێت دابه‌زیوه‌ بۆ حه‌وت هه‌زار و ٢٦٤ كه‌س، ژماره‌ی ئه‌وانه‌ی خراونه‌ته‌ ژێر چاودێریه‌وه‌ ١٥٠ هه‌زار و ٥٣٩ كه‌سن. ژماره‌ی ئه‌و كه‌سانه‌ی دوای وه‌رگرتنی چاره‌سه‌ر نه‌خۆشخانه‌یان جێهێشتووه‌ گه‌یشتووه‌ته‌ ١٠ هه‌زار و ٨٤٤ كه‌س.

جگه‌ له‌ چین ژماره‌ی حاڵه‌تی توشبوون به‌ ڤایرۆسه‌كه‌‌ له‌ هۆنگ كۆنگ به‌رزبووه‌ته‌وه‌ بۆ ٥٧ و له‌ هه‌رێمی ئیداره‌ی تایبه‌تی ماكاو ١٠ كه‌س تووشی په‌تاكه‌ بوون.

له‌ ٢٤ كاتژمێری رابردوودا، به‌هۆی په‌تاكه‌وه‌ له‌ چین ١٠٥ كه‌س گیانیان له‌ده‌ستداوه و دوو هه‌زار و ٤٨ حاڵه‌تی نوێی توشبوون به‌ ڤایرۆسه‌كه‌ ده‌ستنیشانكراوه‌.

له‌و كه‌سانه‌ی له‌میانی ٢٤ كاتژمێری رابردوودا له‌ چین گیانیان له‌ده‌ستداوه‌ ١٠٠یان له‌ شاری هوبێی ناوه‌ندی سه‌رهه‌ڵدان په‌تاكه‌ بوون، سیانیان له‌ هونان و دووانیان له‌ گوانگدۆنگ بوون‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın