جيهان, تەندروستی, کۆڤید- ١٩

ئێران.. گیانلەەستدانی ٣٠٤ کەسی دیکە بەهۆی کۆرۆنا

لە ئێران لە ٢٤ کاتژمێری رابردوودا، ٣٠٤ کەس بەهۆی کۆرۆنا گیانیان لەدەستداوە.

Muhammet Kurşun   | 22.10.2020
ئێران.. گیانلەەستدانی ٣٠٤ کەسی دیکە بەهۆی کۆرۆنا

Tahran

تاران - AA

لە ئێران لە میانی ٢٤ کاتژمێری رابردوودا، ٣٠٤ کەس بەھۆی ڤایرۆسی کۆرۆنای نوێ (COVID-19) گیانیان لەدەستداوە، بەمەیش ژمارەی ئەو کەسانەی تا ئێستا لەو وڵاتە بەھۆی ئەو پەتا جیھانگیرەوە گیانیان لەدەستداوە بەرزبووەتەوە بۆ ٣١ ھەزار و ٦٥٠ کەس.

گوتەبێژی وەزارەتی تەندروستیی ئێران، سیما سادات لاری رایگەیاند کە لە میانی ٢٤ کاتژمێری رابردوودا، ٣٠٤ کەس بەھۆی ڤایرۆسی کۆرۆنای نوێوە گیانیان لەدەستداوە، ھەروەھا پێنج ھەزار و ٤٧١ حاڵەتی نوێی تووشبوون بەو پەتایە تۆمار کراون.

سیما سادات لاری باسی لەوە کرد کە تا ئێستا، ٣١ ھەزار و ٦٥٠ کەس بەھۆی کۆرۆناوە گیانیان لەدەستداوە و ژمارەی تووشبووانیش گەیشتووەتە،‌ ٥٥٠ ھەزار و ٧٥٧ کەس.

گوتەبێژی وەزارەتی تەندروستیی ئێران ئەوەشی خستەڕوو کە رەوشی تەندروستی چوار ھەزار و ٨٩٥ کەس ناجێگیرە و تا ئێستا ٤٤٢ ھەزار و ٦٧٤ تووشبووش چاکبوونەتەوە و چوار ملیۆن و ٦٢٨ ھەزار و ٨٦٦ پشکنین لە سەرانسەری وڵاتەکەی ئەنجامدراوە.

سیما سادات لاری باسی لەوەیش کرد کە هەر ٣١ پارێزگاکەی ئێران وەک ناوچەی "سوور" و "مەترسیدار" تۆمارکراون، بەهۆی زیادبوونی حاڵەتەکانی توشبوونیشەوە لە پارێزگاکانی تاران، قوم، ئەلبورز و قەزوین دووبارە رێوشوێنەکانی خۆپارێزی گیراونەتەوە بەر.

یەکەم حاڵەتی تووشبوون بە کۆرۆنا لە ئێران لە ١٩ی شوبات لە شاری قوم تۆمار کرا.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın