توركيا

گوڵاڵە سوورەی مووش دەبێتە سەرچاوەی داهات

- زانکۆی ئاڵپئارسلان-ی مووش بۆ زیادکردنی گوڵاڵە سوورەی مووش و ناردنی بۆ بازاڕەکان دەستی بەکارەکانی خۆی کرد.

Rewa Mahmood Hasan   | 15.05.2019
گوڵاڵە سوورەی مووش دەبێتە سەرچاوەی داهات

Muş

مووش - AA

زانکۆی ئاڵپئارسلان-ی مووش بۆ زیادکردنی گوڵاڵە سوورەی مووش و ناردنی بۆ بازاڕەکان دەستی بەکارەکانی خۆی کرد.

تیمەکانی چوارچێوەی پرۆژەی گەشەپێدانی جۆریی و ئیسڵاح، کۆکراوە گوڵاڵە سوورەی مووش، سەلکی گوڵاڵە سوورە لە زەویوزاری بەڕێوەبەرایەتی کاری کشتوکاڵی یڵدز ئاڵپئارسلان کۆدەکەنەوە.

گوڵاڵە سوورە کە لە دەشت و دەری ناوچەکەدا دەڕوێت و سەرتاپای ئەو ناوچەیەی لێی دڕوێت سوورپۆش دەکات و لە رێی ئەو پرۆژە تازەیەی زانکۆی ئاڵپئارسلانەوە دەبێتە سەرچاوەیەکی باشی داهات بۆ شارەکە.

یاریدەدەری سەرۆکی زانکۆی مووش، پرۆفیسۆر دکتۆر یاشار قەرەداغ ئاماژە بەوە دەکات لەدوای چوکورۆڤا و قۆنیا، مووش گەورەترین دەشتی هەیە بە رووبەری ١٦٥ هەزار هێکتار زەوی.

ئەو باس لەوە دەکات کە گوڵاڵە سوورەش یەکێکە لە هێما گرنگەکانی دەشتی مووش و بۆ ئەو مەبەستەش زانکۆی مووش لە هەوڵی ئەوەدایە کە لە رێی ناوەندێکی لێکۆڵینەوەوە پرۆژەیەکیان پێشکەش زانکۆکە کردووە تاکو پەرە بەو جۆرە گوڵە بدەن و لە زەویوزارێکدا دەست بکەن بە چاندن و کۆکردنەوەی سەلکی گوڵاڵە سوورەکە و دواتر رەوانەی بازاڕەکان دەکرێن.

پرۆفیسۆر قەرەداغ باس لەوە دەکات لە سەرەتای وەرزی پاییزدا هەر سەلکە گوڵاڵە سوورەیەک بەقوڵی ١٥ سانتیمەتر و دووری یەک مەتر لە یەکەوە دەچێنرێن. بەخێودەکرێن و دواتر هاوشێوەی هۆڵەندا زیادیان دەکەن و رەوانەی بازاڕەکان دەکرێن.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın