توركيا

گوتاری ئه‌ردۆغان بۆ دادوه‌ر و داواكارانی گشتیی تورکیا

- سەرکۆماری تورکیا، ره‌جه‌ب ته‌یب ئەردۆغان: "بە ئامانجگرتنی دادوەرەکان، سووکایەتیکردن پێیان سنوورنەزانینە، بگرە بێڕەوشتییە''.

Yusuf Aydın Deniz,Hemın Othman Mohammed   | 22.05.2019
گوتاری ئه‌ردۆغان بۆ دادوه‌ر و داواكارانی گشتیی تورکیا

Arbil

ئه‌نقه‌ره‌ - AA

سەرکۆماری تورکیا، ره‌جه‌ب ته‌یب ئەردۆغان به‌شداری كرد له‌ رێوڕه‌سمی تیروپشكی دادوه‌ران و داواكارانی گشتیی كۆماری دادگای باڵا كه‌ له‌ ناوه‌ندی كولتوور و كۆنگره‌ی میللی به‌شته‌په‌ به‌ڕێوه‌چوو.

ره‌جه‌ب ته‌یب ئەردۆغان له‌ رێوڕه‌سمه‌كه‌دا گوتارێكی پێشكه‌ش كرد و تیایدا رایگه‌یاند "تێگه‌یشتنێك، پێكهاته‌یه‌ك كه‌ بانگه‌شه‌ی ئه‌وه‌ ده‌كات جیهان له‌ پێنج گه‌وره‌تر نییه‌ و جیهان مه‌حكومی قسه‌ی وڵاتێك بكات، نابێته‌ پێكهاته‌یه‌كی دادپه‌روه‌ر. ئێستا لە ئاراکان، لیبیا، فەڵەستین و قودس دادپەروەری هەیە؟ ئەوانەی دەڵێن دادپەروەریی دەبەخشینەوە تەنها ئامۆژگاری مرۆڤایەتی دەکەن و مرۆڤایەتی هەڵدەخەڵەتێنن''.

سەرکۆماری تورکیا ئه‌وه‌ی وه‌بیرهێنایه‌وه‌ كه‌ سه‌رده‌مێك دامه‌زراوه‌كانی دادوه‌ری رووبه‌ڕووی هێرش ده‌بوونه‌وه‌ و گوتی: "دوێنێ سه‌رۆكێكی گشتیی له‌ كۆبوونه‌وه‌ی فراكسیۆندا گوته‌ی نا ئه‌خلاقی، بێ ئه‌ده‌بی، بێ ئینساف و له‌ هه‌مووشیان گرنگتر نا مرۆڤانه‌ی له‌باره‌ی ئه‌ندامانی دادگاوه‌ كرد".

ره‌جه‌ب ته‌یب ئەردۆغان گوتیشی: "بە ئامانجگرتنی دادوەرەکان، سووکایەتیکردن پێیان سنوورنەزانینە، بگرە بێڕەوشتییە''.

سه‌ركۆماری توركیا راشیگه‌یاند "له‌و باوه‌ڕه‌دام جوانترین وانه‌ هه‌ر دادگاكانمان به‌وانه‌ی ده‌ده‌ن كه‌ سیاسه‌ت وه‌ك ئامرازێك بۆ خزمه‌تکردنی وڵات و گه‌ل نابینن، به‌ڵكو وه‌ك هۆكارێك بۆ سوودگه‌یاندن به‌ ژینگه‌ی توندوتیژ و جێبه‌جێكردنی ئایدۆلۆجیه‌ به‌لارێدابراوه‌كان ده‌بینن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın