توركيا

چاوشئۆغڵو: "فه‌ڕه‌نسا با سه‌یری مێژووی ره‌شی خۆی بكات"

چاوشئۆغڵو: "دوایین وڵات كه‌ ده‌توانێت سه‌باره‌ت به‌ جینۆساید و مێژوو وانه‌ بداته‌ توركیا، فه‌ڕه‌نسایه‌. چونكه‌ رواندا و جه‌زائیرمان بیرنه‌چووه‌. فه‌ڕه‌نسا با سه‌یری مێژووی ره‌شی خۆی بكات، هه‌ڵنه‌ستێت وانه‌ به‌ توركیا بڵێته‌وه‌"

Yusuf Aydın Deniz,Muhammet Ali Kemal   | 12.04.2019
چاوشئۆغڵو: "فه‌ڕه‌نسا با سه‌یری مێژووی ره‌شی خۆی بكات"

Ankara

ئه‌نتاڵیا- AA

وه‌زیری ده‌ره‌وه‌ی توركیا، مه‌ولود چاوشئۆغڵو له‌ میانی گوتارێكدا كه‌ له‌ سیمیناری ٩٩یه‌مین رۆز-رۆس و كۆبوونه‌وه‌ی هاوبه‌شی گرووپی تایبه‌تیی ده‌ریای سپی و خۆرهه‌ڵاتی ناوه‌ڕاست له‌ میانی ده‌سته‌ی په‌رله‌مانیی ناتۆ، پێشكه‌شیكرد، رایگه‌یاند:

"دوایین وڵات كه‌ ده‌توانێت سه‌باره‌ت به‌ جینۆساید و مێژوو وانه‌ بداته‌ توركیا، فه‌ڕه‌نسایه‌. چونكه‌ رواندا و جه‌زائیرمان بیرنه‌چووه‌. فه‌ڕه‌نسا با سه‌یری مێژووی ره‌شی خۆی بكات، هه‌ڵنه‌ستێت وانه‌ به‌ توركیا بڵێته‌وه‌".

مه‌ولود چاوشئۆغڵو هه‌روه‌ها رایگه‌یاند "پێویسته‌ ئیسرائیل كه‌ ئه‌مڕۆ به‌هۆی بڕیارێكی هه‌ڵه‌ی ئیداره‌ی ئه‌مریكاوه‌ ئازایه‌تیی وه‌رگرتووه‌، واز له‌ هه‌ڵوێستی دوژمنكارانه‌ بهێنێت و هه‌رچی زووه‌ بۆ چاره‌سه‌ر له‌سه‌ر بنه‌مای دوو ده‌وڵه‌ت بگه‌ڕێته‌وه‌. ده‌مه‌وێت جه‌خت له‌وه‌ بكه‌مه‌وه‌ كه‌ وه‌ك توركیا پشتیوانیی ته‌واو له‌ پڕۆسه‌یه‌كی له‌وشێوه‌یه‌ ده‌كه‌ین".

گوتیشی: "ئێستا یه‌كێك له‌ پرسه‌ هه‌ره‌ كاریگه‌ره‌كانی ناوچه‌كانی رۆژهه‌ڵاتی ناوه‌ڕاست و ده‌ریای ناوه‌ڕاست پرسی رۆژهه‌ڵاتی ناوه‌ڕاسته‌. واتا چاره‌سه‌ركردنی پرسی فه‌ڵه‌ستین-ئیسرائیله‌. جگه‌ له‌ دامه‌زراندنی دوو ده‌وڵه‌ت هیچ رێگاچاره‌یه‌كی دیكه‌ ئاشتی و ئارامی بۆ رۆژهه‌ڵاتی ناوه‌ڕاست ناهێنێت".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın