نوعمان کورتوڵمووش: "پڕۆژە یاسای چوارچێوە، یەکڕیزی و برایەتییمان بەهێزتر دەکات"

سەرۆکی پەرلەمانی تورکیا نوعمان کورتوڵمووش لەبارەی پێشکەشکردنی پێشنیاری یاسای چوارچێوە بە پەرلەمانی وڵاتەکەی ڕایگەیاند، ئەو کارانەی لەژێر چەتری پەرلەمان بەڕێوەدەچن بوونە نمونەیەکی بێهاوتای دیموکراسی کە عەقڵی دەوڵەت و دانایی گەل بەیەک دەگەیەنێت.

کورتوڵمووش لە هەژماری تۆڕی کۆمەڵایەتی پەیامێکی لەم بارەیەوە بڵاو کردەوەە.

لە پەیامەکەی سەرۆکی پەرلەماندا هاتووە: “ئەو کارانەی لەژێر چەتری پەرلەمان بەڕێوەدەچن بوونە نمونەیەکی بێهاوتای دیموکراسی کە عەقڵی دەوڵەت و دانایی گەل بەیەک دەگەیەنێت”

نوعمان کورتوڵمووش هەروەها نووسیوێتی: "ئەم کارە لە چوارچێوەی ئامانجی تورکیای بێ تیرۆردا قەڵای ناوخۆیی وڵاتەکەمان پتەوتر دەکات و قۆناغێکی گرنگە کە یەکڕیزی و برایەتییمان بەهێزتر دەکات".