هەولێر - AA

سەرۆکی پارتی دیموکراتی کوردستان مەسعود بارزانی ڕایگەیاند: "زۆر دڵخۆش بووم کە پڕۆسەی ئاشتی دەستی پێکرد و بە پێویستی دەزانم سوپاسی جەنابی سەرکۆمار بەڕێز (ڕەجەب تەیب) ئەردۆغان، دەوڵەت، پەرلەمان و گەلی تورکیا بکەم کە دەرگای ئاشتیان کردەوە و کە باشترین دەرگا و باشترین بژاردەیە".

لە میانی بەشداریکردنی لە چوارەمین سیمپۆزیەمی نێودەوڵەتی مەلای جزیری لە شرنەخ مەسعود بارزانی گوتارێکی پێشکەش کرد.

لە میانی گوتارەکەیدا، مەسعود بارزانی باسی لەوە گۆڕانکارییانە کرد کە لە ڕۆژهەڵاتی ناوەڕواستدا ڕوو دەدات و گوتی، "من زۆر دڵخۆش بووم کە پڕۆسەی ئاشتی دەستی پێکرد و دەبینین کە ئەمجارە پڕۆسەکە زۆر بە ڕێکوپێکی دەستی پێکرد چونکە گەل و پەرلەمان و هەموو حزبەکان پشتیوانی دەوڵەتن(تورکیا). لێرە دا بە پێویستی دەزانم سوپاسی جەنابی سەرکۆمار بەڕێز (ڕەجەب تەیب) ئەردۆغان، دەوڵەت، پەرلەمان و گەلی تورکیا بکەم کە دەرگای ئاشتیان کردەوە و کە باشترین دەرگا و باشترین بژاردەیە".

سەرۆکی پارتی دیموکراتی کوردستان مەسعود بارزانی ئاماژەی بەوەشدا کە بە ئەوان بە هەموو توانایەکەوە پشتیوانی لە پڕۆسەکە دەکەن و چی داوایان لێبکرێت و لە دەستیان بێت ئامادەن بۆ ئەنجامدانی و هیواشی خواست کە پڕۆسەکە بگاتە ئەنجامێکی باش و خێر خۆشی بۆ هەموو لایەک.