توركيا

لە تورکیا سەروەت و سامانی ژمارەیەک کۆمپانیا و کەسی سەر بە داعش و ئەلقاعیدە بلۆک کران

وەزارەتی گەنجینە و دارایی تورکیا بەهۆی دابینکردنی داهات بۆ رێکخراوە تیرۆریستییەکان بریاری دا سەروەت و سامانی ژمارەیەک کەس و کەسی مەعنەوی سەر بە رێکخراوە تیرۆریستییەکانی داعش و ئەلقاعیدە لە تورکیا بلۆک بکرێن.

Ayşe Böcüoğlu Bodur   | 23.06.2022
لە تورکیا سەروەت و سامانی ژمارەیەک کۆمپانیا و کەسی سەر بە داعش و ئەلقاعیدە بلۆک کران

Ankara

ئەنقەرە – AA

وەزارەتی گەنجینە و دارایی تورکیا بەهۆی دابینکردنی داهات بۆ رێکخراوە تیرۆریستییەکان بریاری دا سەروەت و سامانی ژمارەیەک کەس و کەسی مەعنەوی سەر بە رێکخراوە تیرۆریستییەکانی داعش و ئەلقاعیدە لە تورکیا بلۆک بکرێن.

بە بڵاوکردنەوەی "بڕیاری بلۆککردنی سەروەت و سامان" کە لەلایەن وەزارەتی گەنجینە و دارایییەوە ئامادە کراوە، لە رۆژنامەی فەرمیدا، بڕیارەکە چووە واری جێبەجێ کردن.

لە میانی یاسای پەیوەندیدار بە رێگەگرتن لە دابینکردنی داهات بۆ تیرۆر بڕیار درا سەروەت و سامانی ٢٧ کەس و یەک کەسی مەعنەوی سەر بە رێکخراوی تیرۆریستی داعس و دوو کەسی سەر بە ئەلقاعیدە لە تورکیا بلۆک بکرێن.

ئەو کەسانەی بەهۆی ئەوەی سەر بە داعشن سەروەت و سامانەکەیان بلۆک کراوە، بەم جۆرە ریز کراون: عوبێد ئەلیوسف، یامان ئەلحەسەن، محەمەد ئەزرام، محەمەد بەرەکەت، نوری ئالاهئەحمەد، عومەر قابالە، ئەحمەد زاهیر موهاننا، عەبدولڕەحمان عەبدولکەریم، محەمەد ئەلناسر، ئەحمەد شاهوان، عەبدولکەریم خاتیب، عەممار سالۆ، شادی سالۆ، محەمەد سالۆ، محەمەد زەکەریا عەبدوڵڵا ئالرازوق، ئەحمەد کارائاغاچ، عوبەیدە ییتباشی، ئەحمەد ئەلسەعید، تورگوت کوچوکئەفە، دەلال عەبدوللەتیف ئاڵوچ، مەهمەت زەکی یڵدز، یونس ئەمرە ساکاریا، محەمەد راید کاکا، حوسام جامۆوس، فاتمە ئۆزدەمیر، ئیبراهیم باهسیتی و بەختیار عەبدولڕەشیدۆڤ.

ئەو کەسە مەعنەویەی بەهۆی پەیوەندی بە داعشیشەوە خراوەتە لیستەکە کۆمپانیای هاوردەکردن و هەناردەکردنی بازرگانی ئەلیکترۆنی پیشەیییە.

هەروەها ئەو کەسانەی بەهۆی ئەوەی سەر بە رێکخراوی تیرۆریستی ئەلقاعیدە سەروەت و سامانەکانیان بلۆک کراون موحەمەد جابال و ئەمراه کوشچو'ن.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın