توركيا

له‌ ئیزمیر له‌ ئۆپه‌راسیۆنێكدا بۆ سه‌ر فه‌تۆ ١٤ گومانلێكراو ده‌ستبه‌سه‌ركران

له‌ ئیزمیر له‌ ئۆپه‌راسیۆنێكدا بۆ سه‌ر شانه‌ نووستووه‌كانی رێكخراوی تیرۆریستیی فه‌تحوڵڵاچی (فه‌تۆ)، ١٤ گومانلێكراو ده‌ستبه‌سه‌ركران.

Muhammet Ali Kemal   | 23.08.2019
له‌ ئیزمیر له‌ ئۆپه‌راسیۆنێكدا بۆ سه‌ر فه‌تۆ ١٤ گومانلێكراو ده‌ستبه‌سه‌ركران

Izmir

ئیزمیر- AA

له‌ ئیزمیر له‌ ئۆپه‌راسیۆنێكدا بۆ سه‌ر شانه‌ نووستووه‌كانی رێكخراوی تیرۆریستیی فه‌تحوڵڵاچی (فه‌تۆ)، ١٤ گومانلێكراو ده‌ستبه‌سه‌ركران.

دوای ئه‌وه‌ی كه‌ سه‌رۆكایه‌تی داواكاری گشتیی كۆماریی ئیزمیر، ئه‌و ماڵانه‌ی ده‌ستنیشانكرد كه‌ له‌لایه‌ن شانه‌ نووستووه‌كانی فه‌تۆوه‌ به‌كارده‌هێنرێن، و لێكۆڵینه‌وه‌كان ئه‌نجامدران، تیمه‌كانی به‌ره‌نگاربوونه‌وه‌ی تیرۆر له‌ به‌ڕێوه‌به‌رایه‌تیی ئاسایشی پارێزگاكه‌ ئۆپه‌راسیۆنه‌كه‌یان ئه‌نجامدا.

له‌ ئۆپه‌راسیۆنه‌كه‌دا كه‌ هاوكات بۆ سه‌ر ١٩ ناونیشان له‌ شاره‌كه‌ ئه‌نجامدرا، ١٤ گومانلێكراو ده‌ستبه‌سه‌ركران كه‌ به‌ تۆمه‌تی به‌كارهێنانی بایلۆك و ئه‌نجامدانی كاری دیكه‌ گه‌ڕان به‌دوایاندا درێژه‌ی هه‌بووه‌ و تا ئێستاش به‌شێوه‌یه‌كی چالاك له‌ نێو رێكخستنه‌كانی رێكخراوه‌كه‌دا بوون.

له‌و گه‌ڕان و پشكنینانه‌ی كه‌ له‌ ماڵه‌كاندا ئه‌نجامدراون، ژماره‌یه‌كی زۆر ناسنامه‌ی ساخته‌ی گومانلێكراوه‌كان، چه‌ندین مۆبایل به‌مه‌به‌ستی په‌یوندییكردنی رێكخراوه‌یی و تابلێت و بڕێكی زۆر پاره‌ ده‌ستی به‌سه‌ردا گیرا.

هاوكات ئه‌وه‌ زانراوه‌ كه‌ له‌ كاتی به‌ڕێوه‌چوونی ئۆپه‌راسیۆنه‌كه‌دا ژماره‌یه‌ك له‌ گومانلێكراوه‌كان هه‌وڵی له‌ناوبردنی ئامێره‌ دیجیتاڵییه‌كانی نێو ماڵه‌كانیان داوه‌ و ویستوویانه‌ به‌ بازدان له‌ باڵكۆنه‌كانه‌وه‌، هه‌ڵبێن.

لێكۆڵینه‌وه‌ له‌گه‌ڵ گومانلێكراوه‌كان له‌ به‌ڕێوه‌به‌رایه‌تی ئاسایش درێژه‌ی هه‌یه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın