فراکسیۆنی ئاک پارتی پێشنیاری یاسای بەهێزکردنی هاودەنگی نیشتمانیی و یەکگرتووی کۆمەڵایەتیی تاوتوێ کرد

لە کۆبوونەوەی فراکسیۆنی ئاک پارتی لە پەرلەمانی تورکیا، پێشنیاری یاسای تایبەت بە بەهێزکردنی هاودەنگی نیشتمانیی و یەکگرتووی کۆمەڵایەتیی تاوتوێ کرا.

کۆبوونەوەکە کە بە سەرۆکایەتی سەرۆکی فراکسیۆنی پارتەکە، عەبدوڵڵا گیولەر و جێگری سەرۆکی گشتی پارتەکە، ئەفکان ئاڵا بە داخراوی بەڕووی ڕاگەیاندنەکان بەڕێوەچوو، نزیکەی کاتژمێر و نیوێکی خایاند.

لە کۆبوونەوەکەدا هەڵسەنگاندن بۆ پێشنیاری یاسای تایبەت بە بەهێزکردنی هاودەنگی نیشتمانیی و یەکگرتووی کۆمەڵایەتیی کرا، کە لە چوارچێوەی پرۆسەی تورکیای بێ تیرۆردا ئامادە کراوە و بڕیارە ئەمڕۆ پێشکەشی سەرۆکایەتی پەرلەمانی تورکیا بکرێت.

دوای کۆبوونەوەکە گیولەر بۆ ڕۆژنامەنووسان دووا و وەڵامی پرسیارەکانیانی دایەوە.

گیولەر لە وەڵامی پرسیارێکدا ڕایگەیاند: "ئێستا گفتوگۆ دەکەین. دواتر ئاگادارتان دەکەمەوە".

هەروەها گیولەر ئاماژەی بەوە کرد دانوستانیان لەسەر پێشنیاری یاساکە کردووە و، ئەمڕۆ پێشکەشی پەرلەمان دەکرێت.