توركيا

سۆیڵو: "بەکارھێنانی دەنگ لە لایەن سوورییەکان کاریگەری لەسەر ئەنجامەکانی ھەڵبژاردن نابێت"

- وەزیری ناوخۆی تورکیا، سولەیمان سۆیڵو: "چ لە بەکارھێنانی دەنگ لە لایەن سوورییەکان و چی ھەر ھەڵەیەک یان کەموکورتییەک لە تۆماری دەنگدەران کاریگەری لەسەر ئەنجامی ھەڵبژاردنەکان نابێت".

Abdullah Shukur  | 19.01.2019
سۆیڵو: "بەکارھێنانی دەنگ لە لایەن سوورییەکان کاریگەری لەسەر ئەنجامەکانی ھەڵبژاردن نابێت"

Erzurum

ئەرزەڕۆم - AA

وەزیری ناوخۆی تورکیا، سولەیمان سۆیلو لەبارەی ھەڵبژاردنە خۆجێیەکانی تورکیا کە بڕیارە ٣١ی ئاداری داهاتوو بەڕێوەبچێت رایگەیاند کە تاکە ھیوایان ئەوەیە ئیرادەی دەنگدەر بە شێوەیەکی ئازاد و تەندروست لە سندووق رەنگ بداتەوە.

سولەیمان سۆیڵو بەشداری لە "کۆبوونەوەی ئاسایشی ناوچەی ھەڵبژاردن" کرد کە لە ھۆتێلێکی شاری ئەرزەڕۆم بەڕێوەچوو و تیایدا وتارێکی پێشکەش کرد و رایگەیاند، بەمەبەستی پاراستنی ئاسایشی ھەڵبژاردنەکانی ٣١ی ئادار و گرتنەبەری رێوشوێنی پێویست لەمبارەیەوە لەگەڵ فەرماندەی گشتی جەندرمە، ژەنەراڵ عارف چەتین و جێگری وەزیری ناوخۆ، موحتەرەم ئینجە و جێگری بەڕێوەبەری گشتی پۆلیس، ئەرھان گولوەران و چەندین بەرپرسی دیکە کۆبووەتەوە.

سۆیڵو راشیگەیاند کە بەکارھێنانی دەنگ لە لایەن ھاووڵاتیانی سووری کاریگەری لەسەر ئەنجامی دەنگدانەکان نابێت و گوتی: "چ لە بەکارھێنانی دەنگ لە لایەن سوورییەکان و چی ھەر ھەڵەیەک یان کەموکورتییەک لە تۆماری دەنگدەران کاریگەری لەسەر ئەنجامی ھەڵبژاردنەکان نابێت".

وەزیری ناوخۆی تورکیا، سولەیمان سۆیڵو ئاماژەی بەوەشدا کە تورکیا یەکێک لە وڵاتە پێشەنگەکانی جیھانە لەبارەی بەڕێوەچوونی ھەڵبژاردنی پاک و بێگەرد، گوتی: "تورکیا لە رووی ئەنجامدانی ھەڵبژاردن و ئاسایشی ھەڵبژاردن یەکێکە لە وڵاتە پێشەنگەکانی جیھان".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın