توركيا, ژيان

دیاربه‌كر.. تاڤگه‌ی فیسكایه‌ی مێژوویی وه‌كو جاران ئاوی لێ دێته‌ خواره‌وه‌

کارەکانی به‌ڕێوه‌به‌رایه‌تی گشتیی فه‌رمانگه‌ی ئاو و ئاوه‌ڕۆی سه‌ربه‌ گه‌وره‌ شاره‌وانیی دیاربه‌كر بۆ ئه‌وه‌ی تاڤگه‌ی فیسكایه‌ وه‌كو جارانی لێبێته‌وه‌ و ئاوی لێیه‌وه‌ بێته‌ خواره‌وه‌، ته‌واو بوون.

Ahmet Kaplan,Osman Bilgin   | 25.06.2021
دیاربه‌كر.. تاڤگه‌ی فیسكایه‌ی مێژوویی وه‌كو جاران ئاوی لێ دێته‌ خواره‌وه‌

Diyarbakir

دیاربه‌كر -AA

کارەکانی به‌ڕێوه‌به‌رایه‌تی گشتیی فه‌رمانگه‌ی ئاو و ئاوه‌ڕۆی سه‌ربه‌ گه‌وره‌ شاره‌وانیی دیاربه‌كر بۆ ئه‌وه‌ی تاڤگه‌ی فیسكایه‌ وه‌كو جارانی لێبێته‌وه‌ و ئاوی لێیه‌وه‌ بێته‌ خواره‌وه‌، ته‌واو بوون.

دوای ئه‌وه‌ی پارێزگاری دیاربه‌كر، مونیر كارائۆغڵو له‌ رێگای تۆڕی كۆمه‌ڵایه‌تییه‌وه‌ موژده‌ی ئه‌وه‌ی دا كه‌ "تاڤگه‌ی فیسكایه‌ وه‌كوو جارانی لێدێته‌وه‌ و ئاوی لێیه‌وه‌ دێته‌ خواره‌وه"، به‌ڕێوه‌به‌رایه‌تی گشتیی فه‌رمانگه‌ی ئاو و ئاوه‌ڕۆی سه‌ر به‌ گه‌وره‌ شاره‌وانیی دیاربه‌كر ته‌واوبوونی كاره‌كانی پڕۆژه‌كه‌ی راگه‌یاند.

به‌ڕێوه‌به‌رایه‌تی گشتیی فه‌رمانگه‌ی ئاو و ئاوه‌ڕۆ ئاماژه‌ی به‌وه‌ داوه‌ كه‌ به‌هۆی ئه‌وه‌ی تاڤگه‌كه‌ كه‌وتووه‌ته‌ ناو ناوچه‌یه‌كی نیشته‌جێبوون كاره‌كان زۆر به‌ هه‌ستیارانه‌ ئه‌نجام دراون و له‌ راگه‌یه‌ندراوه‌كه‌یدا نووسیوویه‌تی: "ئه‌ستێڵكی ٨٥ تۆنی كه‌ له‌ خواره‌وه‌ی تاڤگه‌كه‌یه‌ له‌ ڕێگای ئامێری تایبه‌ته‌وه‌ بۆ جارێكی دیكه‌ ٨٠ لیتر له‌ چركه‌یه‌كدا ده‌گه‌ڕێندرێته‌وه‌ بۆ تاڤگه‌كه‌ و دیسانه‌وه‌ له‌ تاڤگه‌كه‌وه‌ دێته‌ خواره‌وه‌".

پارێزگاری دیاربه‌كر، مونیر كارائۆغڵو له‌مباره‌یه‌وه‌ ده‌ڵێت: "بۆ جارێكی دیكه‌ ئاو له‌ تاڤگه‌ی فیسكایه‌ دێته‌ خواره‌وه‌، بۆ ئه‌وه‌ی یاده‌وه‌رییه‌ جوانه‌كان له‌ هه‌ر كوچه‌ و كۆڵانێكی شاردا به‌ زیندوویی بهێڵینه‌وه‌، به‌بێ وچان به‌رده‌وامن ده‌بین له‌ كاركردن و نۆژه‌نكردنه‌وه‌ و ئاوه‌دانكردنه‌وه‌ی شوێنه‌كان".

هاووڵاتیی ئه‌رگون ئاراڵانیش له‌مباره‌یه‌وه‌ گوتی: "گه‌وره‌كانمان چه‌ندین ساڵ باسی ئه‌وه‌یان ده‌كرد، كه‌ ئاو له‌ تاڤگه‌كه‌وه‌ هاتووه‌ته‌ خواره‌وه‌. سوپاس بۆ خوا ئێمه‌یش ئه‌و رۆژه‌مان به‌ چاوی خۆمان دیت. هه‌ستێكی زۆر تایبه‌تم هه‌یه‌".


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın