توركيا, کۆڤید- ١٩

توركيا.. لە ٢٤ كاتژمێری رابردوودا دوو هەزار و ٢٠٩ حاڵەتی تووشبوون و ٧٦ گيانلەدەستدان به ‌كۆرۆنا تۆماركرا

وەزارەتى تەندروستیى توركيا بڵاویكرده‌وه، لە ٢٤ كاتژمێرى رابردوودا، دوو هەزار و ٢٠٩ حاڵەتى نوێى تووشبوون و ٧٦ كەسی دیکە بەهۆى تووشبوونيان بە ڤايرۆسى كۆرۆناى نوێ (COVID-19) گيانيان لەدەستداوە.

Aybüke İnal Kamacı   | 27.10.2020
توركيا.. لە ٢٤ كاتژمێری رابردوودا دوو هەزار و ٢٠٩ حاڵەتی تووشبوون و ٧٦ گيانلەدەستدان به ‌كۆرۆنا تۆماركرا

Ankara

ئەنقەرە - AA

وەزارەتى تەندروستیى توركيا بڵاویكرده‌وه، لە ٢٤ كاتژمێرى رابردوودا، دوو هەزار و ٢٠٩ حاڵەتى نوێى تووشبوون و ٧٦ كەسی دیکە بەهۆى تووشبوونيان بە ڤايرۆسى كۆرۆناى نوێ (COVID-19) گيانيان لەدەستداوە.

"خشته‌ی رۆژانەى ڤايرۆسى كۆرۆنا" كە دوايين ئامارەكانى ڤايرۆسى كۆرۆنا له ‌توركیا لەخۆده‌گرێت لەڕێگەى ماڵپەڕى "covid19.saglik.gov.tr"ه‌وه‌ بڵاوكرايەوە.

بەپێی خشته‌كه‌، ئەمڕۆ ١٢٧ هەزار و ٦٥١ پشكنينى ڤایرۆسی کۆرۆنای نوێ (COVID-19) ئەنجامدراوە، دەرەنجام، دوو هەزار و ٢٠٩ حاڵەتى نوێى تووشبوون بە ڤايرۆسه‌كه‌ تۆماركراوە.

هەر بەپێی خشته‌كه‌، لە ٢٤ كاتژمێری رابردوودا، ٧٦ تووشبوو گيانيان لەدەستداوە، هەزار و ٥١١ نەخۆش چاكبوونەتەوە و كۆى گشتيى ئەو تووشبووانەى كە چارەسەريان تەواو بووە و نەخۆشخانەيان جێهێشتووە بۆ ٣١٧ هەزار و ٥١٩ کەس بەرزبووەتەوە.

بەپێی ئامارەكان، كۆى گشتيى ١٣ مليۆن و ٤٧٨ هەزار و ٤٥٢ پشكنينى (COVID-19) ئەنجامدراون، كۆى گشتیی حاڵەتەكانى تووشبوون گەيشتووەتە ٣٦٦ هەزار و ٢٠٨ حاڵه‌ت و گيانلەدەستدانيش گەيشتووەتە نۆ هەزار و ٩٥٠ حاڵه‌ت.

هاوكات، ژمارەى كه‌یسه‌ چالاكەكان ٣٨ هەزار و ٧٣٩ و ژمارەى ئەو نەخۆشانەى كە دۆخى تەندروستييان ناجێگيرە هەزار و ٨٢٧ نەخۆش.

بە پێى ئامارى هەفتانە لە خشتەكەدا، لەهەفتەيەدا رێژەى هەوكردنى سييەكان لاى نەخۆشەكان لەسەدا ٥ بوو. رێژەى پڕبوونى قەرەوێڵەكان سەدا ٥٠،٨ـه. رێژەى پربوونى چاودێریى چڕ بۆ پێگه‌یشتووان سەدا ٦٧،١ـه، رێژەى پڕبوونى قه‌ره‌وێڵه‌كانی هەناسەدانى دەستكرد سەدا ٣٣،٤ـه، ناوەندى كاتى دياريكراو بۆ بەريەككەوتن ٩ كاتژمێرە، رێژەى دەستنيشانكردنى سەرچاوەكانى بەريەككەوتن سەدا ٩٩،٧يـه.

- " تاوەكو ژمارەى ئەو نەخۆشانەى كە دۆخى تەندروستييان ناجێگيرە و كەيسە چالاكەكان كەمنەكەينەوە سەركەوتوو نابين".

وەزيرى تەندروستیى توركيا، فەخرەددين كۆجا لە هەژمارى تايبەتى خۆى لە تويتەر لە په‌یامێكدا له‌باره‌ی دوايين ئامارەكان، رايگەياندووە: "ئەمڕۆ دوو هەزار و ٢٠٩ حاڵەتى نوێى تووشبوون تۆماركراوە. ژمارەى ئەونەخۆشانەمان كە دۆخى تەندروستييان ناجێگيرە بۆ هەزار و ٨٢٧ بەرزبووەتەوە. تاوەكو ژمارەى ئەو نەخۆشانەى كە دۆخى تەندروستييان ناجێگيرە و كەيسە چالاكەكان كەمنەكەينەوە سەركەوتوو نابين. يەكبوون لە بەرەنگاربوونەوە بە پابەندبوونى بێ جياوازييەوە تێدەپەڕێت. با خۆمان لە دژى پەتاكە رێكبخەين".



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın