توركيا, تەندروستی, کۆڤید- ١٩

توركيا.. شەش هەزار و ٥٤٦ حاڵه‌تی تووشبوون و ٧٧ گیانله‌ده‌ستدان به‌ كۆرۆنا تۆماركرا

لە تورکیا له‌ ماوه‌ی ٢٤ كاتژمێرى رابردوودا، ١٠١ هەزار و ١٠٥ پشكنينى ڤایرۆسی کۆرۆنا (COVID-19) ئەنجامدراوە، دەرەنجام شەش هەزار و ٥٤٦ كەس ئەنجامى پشكنينەكەيان پۆزەتيڤ بووە و ٧٧ كەسيش بەهۆى ڤايرۆسەكەوە گيانیان لەدەستداوە

Yasemin Kalyoncuoğlu   | 21.02.2021
توركيا.. شەش هەزار و ٥٤٦ حاڵه‌تی تووشبوون و ٧٧ گیانله‌ده‌ستدان به‌ كۆرۆنا تۆماركرا

Ankara

ئەنقەرە - AA

وەزارەتى تەندروستیى توركيا بڵاویكرده‌وه، لە ماوه‌ی ٢٤ كاتژمێرى رابردوودا، ١٠١ هەزار و ١٠٥ پشكنينى ڤایرۆسی کۆرۆنا (COVID-19) ئەنجامدراوە، دەرەنجام شەش هەزار و ٥٤٦ كەس ئه‌نجامی پشكنينيان پۆزەتيڤ بووه‌ و ٧٧ كەسيش بەهۆی ڤایرۆسەکەوە گيانیان لەدەستداوە.

"خشته‌ی رۆژانەى ڤايرۆسى كۆرۆنا" كە دوايين ئامارەكانى ڤايرۆسى كۆرۆنا له ‌توركیا لەخۆده‌گرێت لەڕێگەى ماڵپەڕى "covid19.saglik.gov.tr"ه‌وه‌ بڵاوكرايەوە.

بەپێی ١٠١ هەزار و ١٠٥ پشكنينى ڤایرۆسی کۆرۆنا (COVID-19) ئەنجامدراوە، دەرەنجام شەش هەزار و ٥٤٦ كەس ئه‌نجامی پشكنينيان پۆزەتيڤ بووه‌، ٧٧ كەس بەهۆی ڤایرۆسەکەوە گيانیان لەدەستداوە و ٦٠١ نەخۆشيش دەستنيشانكراوە.

هەر بەپێی خشته‌كه‌، لە ٢٤ كاتژمێری رابردوودا، دوای تەواوبوونى چارەسەر/ماوەى كەرەنتينی پێنج هەزار و دوو تووشبووی کۆرۆنا، كۆى گشتیى چاكبووه‌وه‌كان بۆ دوو مليۆن و ٥٢٣ هەزار و ٧٦٠ كه‌س بەرزبوويەوە‌.

بەپێی ئامارەكان، كۆى گشتيى ٣٢ مليۆن و ٣١٨ هەزار و ١٨٢ پشكنينى (COVID-19) ئەنجامدراون، كۆى گشتیی حاڵەتەكانى تووشبوون گەيشتووەتە دوو مليۆن و ٦٣٨ هەزار و ٤٢٢ حاڵه‌ت، گيانلەدەستدانيش گەيشتووەتە ٢٨ هەزار و ٦٠ حاڵه‌ت و ژمارەى ئەو نەخۆشانەى كە دۆخى تەندروستييان ناجێگيرە هەزار و ١٨٥ نەخۆشن.

بەپێى ئامارى هەفتانە لە خشتەكەدا، لەم هەفتەيەدا رێژەى هەوكردنى سييەكان لاى نەخۆشەكان لەسەدا ٣،٦ بووه‌. رێژەى پڕبوونى قەرەوێڵەكان لەسەدا ٤٧،٩ـه. رێژەى پربوونى چاودێریى چڕ بۆ پێگه‌یشتووان لەسەدا ٥٩،٦ـه، رێژەى پڕبوونى قه‌ره‌وێڵه‌كانی هەناسەدانى دەستكرد لەسەدا ٣٠،١ـه، ناوەندى كاتى دياريكراو بۆ بەريەككەوتن ٨ كاتژمێرە، رێژەى دەستنيشانكردنى سەرچاوەكانى بەريەككەوتن لەسەدا ٩٩،٩ـه.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın