توركيا

ئورفا.. خانووه‌ گومه‌زه‌داره‌كانی حەڕان نۆژه‌نده‌كرێنه‌وه‌

- خانووه‌ گومه‌زه‌داره‌كانی شارۆچكه‌ی حەڕان لە سنووری پارێزگای ئورفا كه‌ یه‌كێكه‌ له‌ دێرینترین شوێنه‌كانی جیهان و له‌ لیستی كاتیی میراتی جیهانی یونیسكۆدایه‌ و به‌ هۆی بێ خزمه‌تی و بارانه‌وه‌ داڕووخاون، كاره‌كانی نۆژه‌نكردنه‌وه‌یان ده‌ستیپێكرد.

Yasin Dikme,Hemın Othman Mohammed   | 12.02.2019
ئورفا.. خانووه‌ گومه‌زه‌داره‌كانی حەڕان نۆژه‌نده‌كرێنه‌وه‌

Şanlıurfa

ئورفا - AA

خانووه‌ گومه‌زه‌داره‌كانی شارۆچكه‌ی حەڕان لە سنووری پارێزگای ئورفا كه‌ یه‌كێكه‌ له‌ دێرینترین شوێنه‌كانی جیهان و له‌ لیستی كاتیی میراتی جیهانی یونیسكۆدایه‌ و به‌ هۆی بێ خزمه‌تی و بارانه‌وه‌ داڕووخاون، كاره‌كانی نۆژه‌نكردنه‌وه‌یان ده‌ستیپێكرد.

حەڕان كه‌ بەرلە زایینەوە له‌ شه‌ش هه‌زار ساڵه‌وه‌ تا ئه‌مڕۆ به‌بێ پچڕان دانیشتوانی هه‌یه‌ و ماوه‌یه‌كیش بووه‌ته‌ پایته‌ختی ئیمپراتۆرییەتی ئاشووری و خەلافەتی ئومەوی، به‌ هۆی خانووه‌ گومه‌زه‌دار و شوێنه‌واره‌ مێژووییه‌كانیه‌وه‌ بووه‌ته‌ جێی سه‌رنج.

شارۆچكه‌كه‌ كه‌ ساڵانه‌ میوانداری هه‌زاران گه‌شتیار ده‌كات، خانووه‌ گومه‌زه‌داره‌كانی به‌ هۆی بێ خزمه‌تی و بارانه‌وه‌ زیانی به‌ركه‌وتووه‌، بۆیه‌ خاوه‌نی خانووه‌كان به‌ هاوكاری شاره‌وانی و رێكخراوی پاراستنی خانووه‌كانی حەڕان، ژیانه‌وه‌، ناساندن و راكێشانی گه‌شتوگوزار ده‌ستیان به‌ نۆژه‌نكردنه‌وه‌ی خانووه‌ مێژووییه‌كانیان كردووه‌.

له‌ چوارچێوه‌ی نۆژه‌نكردنه‌وه‌كه‌دا نزیكه‌ی 20 خانووی گومه‌زه‌دار به‌ شێوه‌یه‌كی گونجاو له‌سه‌ر شێوه‌ی بنه‌ڕه‌تی خۆیان نۆژه‌نده‌كرێنه‌وه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın