جيهان, اخبار تجزیه و تحلیل

کرێملین ستایشی تورکیا دەکا لەبارەی پێداگری لە کڕینی ئێس-٤٠٠

گوتەبێژی کرێملین، دیمیتری پێسکۆڤ رایگەیاند کە ئەوان خۆشحاڵن بە ھەڵوێستی سەرکۆماری تورکیا، رەجەب تەیب ئەردۆغان لەبارەی کڕینی سیستەمی مووشەکی ئاسمانی ئێس-٤٠٠ لە رووسیا، سەرەڕای گشت ئەو فشارانەی دەخرێتە سەری.

Abdullah Shukur   | 14.04.2019
کرێملین ستایشی تورکیا دەکا لەبارەی پێداگری لە کڕینی ئێس-٤٠٠

Moskova
مۆسکۆ - AA

گوتەبێژی کرێملین، دیمیتری پێسکۆڤ رایگەیاند کە ئەوان خۆشحاڵن بە ھەڵوێستی سەرکۆماری تورکیا، رەجەب تەیب ئەردۆغان لەبارەی کڕینی سیستەمی مووشەکی ئاسمانی ئێس-٤٠٠ لە رووسیا، سەرەڕای گشت ئەو فشارانەی دەخرێتە سەری.

پێسکۆڤ بەشداری لە پرۆگرامێکی کەناڵی Rossiya ١ی رووسی کرد و ھەڵسەنگاندنی لەبارەی کڕینی سیستەمی مووشەکی ئێس-٤٠٠ لەلایەن تورکیاوە کرد.

دیمیتری پێسکۆڤ راشیگەیاند کە لەمبارەیەوە گوشارێکی زۆر دەخرێتە سەر تورکیا و گوتیشی: "لە راستیدا، ژمارەی ئەو وڵاتانەی کە سەربەخۆن و بە سەربەخۆیانە جوڵە دەکەن ژمارەی پەنجەکانی دەست تێپەرناکەن. رووسیا و تورکیاش دەکەونە نێو ئەو کۆمەڵەیە. بەڕاستی گوشارێکی بێ وێنە ھەیە. خۆشحاڵین بە ھەڵوێستی توندی سەرکۆمار ئەردۆغان".

سەرکۆماری تورکیا رەجەب تەیب ئەردۆغان لەبارەی کڕینی سیستەمی مووشەکی ئێس-٤٠٠ ی رووسیا لەلایەن تورکیاوە گوتبووی، "ئەگەر گرێبەستمان لەسەر شتێک کردبێ و رێککەوتنمان ئەنجامدابێت، ئەوا کارەکە تەواو بووە و بەم پێیەش بەردەوام دەبین. ئەمە مافی سەروەری خۆمانە، ئەمە کرداری خۆمانە".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın