Sererkaniya Ukraynayê diyar kir ku 14 balafir, 8 firoke, 102 tank, 536 wesayîtên bizirx ên Rûsyayê hatin lêxistin û Alîkarê Serokê Ofêsa Serokatiya Ukraynayê Mihayil Podolyak jî destnîşan kir ku ji 3 hezar û 500î zêdetir eskerên Rûsyayê hatin berterefkirin.

Di daxuyaniya Serokatiyê da hat gotin ku Rûsya eskerên din jî li sînorê Ukraynayê û herêmên nêzî sînor bi cî dike.

Di daxuyaniyê da hat diyarkirin ku zirara li artêşa Rûsyayê dikeve zêde dibe û wiha hat gotin: "14 balafir, 8 firoke, 102 tank, 15 topavêj û buka sîstema fuzeyê yên Rûsyayê hatin îmhekirin.

- "Ji 3 hezar û 500î zêdetir eskerên Rûsyayê hatin kuştin"

Alîkarê Serokê Ofêsa Serokatiya Ukraynayê Mihayil Podolyak di daxuyaniya li ser welatê xwe da diyar kir ku li bajarên Herson, Mikolayev, Odesa û Mariopolê pevçûn dewam dikin.

Podolyak destnîşan kir ku esker û polêsên welêt kontrola li welêt di destê xwe da digrin û wiha pê da çû: "Li Kîev û herêma Kîevê rewş di kontrolê da ye."

Podolyak got, "Ji şeveqê pê va ji 3 hezar û 500î zêdetir eskerên Rûsyayê hatin kuştin û 200 esker jî dîl hatin girtin."