Meteora ku li Wanê hat dîtin bi navê "Doguzagaç"ê di Bultena Daneyan a Meteorîta Navneteweyî da hat qeydkirin
Van
Osman Hezerê ku li Wanê dijî 6 sal berê bi malbata xwe ra seba seyranê çû ber Gola Wanê û li ber golê meteoreke ku giraniya wê 81 kîlo û 400 gram e, dît. Enstîtuya Heyv û Gerstêrkan a li Amerîkayê piştî ku ev meteor tedqîq kir, di Bultena Daneyan a Meteorîta Navneteweyî da qeyd kir.
Hezerê 60 salî li bajêr wekî wezîfedarê ewlehiyê dixebite û di sala 2015an da bi malbata xwe ra li navçeya Gevaşê nêzî taxa Dokuzagaçê pîknîk dikir û wê demê li qeraxê golê kevirekî ku reng û dirûvê wê cuda ye, dît.
Hezer bi alîkariya malbata xwe kevir bire mala xwe û li ser gumana ku ev kevir li gor yên din giran e û bi rêya hevalê xwe ji kevir nimûneyek ji Doç. Dr. Mehmet Yeşiltaşê Endamê Hîndekariyê yê Fakulteya Zanyarên Hewagerî û Fezayê ya Zanîngeha Kirklareliyê ra şand.
Li ser tedqîqan hat tesbîtkirin ku ev kevir meteorît e û nimûneya wê ji Enstîtuya Heyv û Gerstêrkan a li Amerîkayê ra hat şandin. Li vê derê di kontrolan da jî gihîştin heman encamê û meteorît di Bultena Daneyan a Meteorîta Navneteweyî da bi navê "Doguzagaç"ê hat qeydkirin.
Hezer ji nûçegihanê AAyê ra got ku wî dema ku kevir dît, fêm kir ku ferqa wî û kevirên din heye û ji bo vê jî wî biryar da ku seba tedqîqkirinê bibe malê.
Bi tescîlkirin û qeydkirinê va ev kevir bû meteorê sêyemîn ê herî mezin ku li Tirkiyeyê hat dîtin.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.