Tirkiye

Li rojhilatê Feratê dewriyeya sêyemîn ya Tirkiye û Rûsyayê qediya

Hêzên Tirkiye û Rûsyayê li Sûriyeyê li rojhilatê Feratê di navbera Qamişlo û Dêrikê da ji bejayê va dewriyeya hevbeş kirin.

08.11.2019
Li rojhilatê Feratê dewriyeya sêyemîn ya Tirkiye û Rûsyayê qediya

Şırnak

Ji ber mutabaqata Soçiyê dewriyeya hevbeş ya sêyemîn ku eskerên Tirkiye û Rûsyayê ji bejayê va li Sûriyeyê li rojhilatê Feratê dabûn destpêkirin temam bû.

Konvoya Hêzên Artêşa Tirkiyeyê ku ji 4 wesaîtên bizirx pêk dihat ji texma Alakamişa gundê Îdila (Hezex) navçeya Şirnexê ji bona dewriyeya hevbeş ji sînor derbas bû û gihîşt konvoya eskerî ya Rûsyayê.

Hêzên Tirkiye û Rûsyayê li Sûriyeyê li rojhilatê Feratê di navbera Qamişlo û Dêrikê da li bejayê derketin dewriyeyê û di dewriyeyê da teyareyên bêmirov jî hatin emilandin û qederê 3 saet û 45 deqîqeyî ajot.

Bi dewriyeya sêyemîn eskerên Tirkiyeyê cara ewil derbasî rojhilatê Qamişloyê bûn û bi eskerên Rûsyayê ra dewriye kirin.

Gelek nûçegihan û rojnamevan jî ji ser sînor geşedanan teqîb dikin.

Ji ber mutabaqata Soçiyê eskerên Tirkiye û Rûsyayê li bejayê dewriyeya ewil 1ê Mijdarê 40 kîlomêtro li rojhilatê Resuleynê û 30 kîlomêtro li rojavayê Qamişloyê û dewriyeya duyemîn jî 5ê Mijdarê di navbera rojhilatê Eynelerebê (Kobanî) û rojavayê Til Ebyadê (Girê Sipî) da kiribûn.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın