Tirkiye

Li Mûşê dayika ku kurê wê revandine serê çiyê li pêşiya avahiya HDPyê çalakî kir

İbrahim Yaldız, Sabri Yıldırım   | 14.07.2021
Li Mûşê dayika ku kurê wê revandine serê çiyê li pêşiya avahiya HDPyê çalakî kir

Muş

Li Mûşê dayika ku terorîstên PKKyî kurê wê revandine serê çiyê û ji revandina kurê xwe HDPyê wekî berpirsyar dibîne, li pêşiya serokatiya bajêr a partiyê çalakî kir.

Gubahar Tekera ku kurê wê di 2014an da ji aliyê rêxistina terorê va hat revandin, ji bo kurê wê bînin, li pêşiya Serokatiya Bajêr a HDPyê çalakiya rûniştinê kir. Tekerê pankartên ku tê da "Partiya Dijminê Gel", "Hûnê ewladên me bidin", "Ha HDP, ha PKK", "Tirk û Kurd xwişk û bira ne, HDP qeleş e" û "Partiya ku Gel Dixapîne" vekirin.

Dayika ku wêneyê kurê wê ji dêst nakeve, di eleyhê HDPyê da duruşme berz kir û bertek nîşanî endamên partiyê da.

Tekerê ji rojnamegeran ra got ku ew heta negihêje kurê xwe, wê çalakiya xwe bidomîne.

Tekerê diyar kir ku ew ji kesî natirse û wiha dewam kir, "Şikir ji Xwedê ra zarokên malbatên din hêdî hêdî tên. Dewletê ev derî li me vekir. Hefteyek e 4 zarok hatin û teslîm bûn. Kurê min heke dengê min tê te, tu yê jî werî û teslîm bibî. Birayê te nexweş e, ez jî nexweş im. Ez ê vêga herim Elezîzê ku birayê te ji nexweşxaneyê derxim û bînim. Ji me ra eyd û erefat tuneye. Ez her roj digirîm, ranazêm. Ez li benda te me, were teslîm bibe."

Tekerê got ku ew ê di eydê da jî çalakiya xwe bidomîne û wiha got, "Lenet li HDP û PKKyê were. Ji van zarokan û keçikan çi dixwazin?"

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın