Bi hinceta ku endamên Rêxistina Terorê ya Fetullahî (FETO) ne û di hucrikên ku jê ra "mala xebatê" dibêjin da seba ezmûnên dadgerî û dozgeriyê xebitîne, der heqê 11 parêzeran da biryara binçavkirinê hat dayîn û jê 10 parêzer hatin girtin.

Di çarçoveya lêpirsîna ku Buroya Sûcên Teror û Rêxistinî ya Serdozgeriya Komarê ya Stenbolê dimeşîne da 11 parêzerên ku di hucrikên FETO yên ku wekî "malên xebatê" bi nav dikin da mane, endamên rêxistinê ne û li gor tesbîtê seba ezmûnên 2013an ên dadgerî û dozgeriyê amadehî kirine. Ekîbên Midûriya Şaxa Têkoşîna Sûcên Organîze ya Midûriya Ewlehiya Stenbolê li Stenbol, Enqere, Edene, Wan, Diyarbekir, Antalya û Denizliyê di heman demê da operasyon kir û ji gumanbaran 10 kes girtin.

Li navnîşanan lêgerîn hat kirin û gelek dokumanên rêxistinî û alavên dijîtal hatin bidestxistin.

Hat ragihandin ku li ewlehiyê kar û barên bersûcên binçavkirî didome û seba girtina kesekî firar xebat tê kirin.