Hat daxuyandin navê 3 terorîstên li Wanê hatin berterefkirin di kategoriya gewr da bû ku li wan digeriyan
3 terorîstên li dorbera Gurpinara Wanê hatin berterefkirin failên gelek êrîşên di navbera salên 2015-2018an da ne
Ankara
Wezareta Karên Navxweyî daxuyand hat tesbîtkirin 3 terorîstên li dorbera Gurpinara navçeya Wanê hatin berterefkirin failên gelek êrîşên di navbera salên 2015-2018an da ne ku navê wan di kategoriya gewr da bû ku li wan digeriyan.
Di daxuyaniya Wezaratê da hat gotin 29ê Hezîranê roja duşemê tîmên Fermandariya Cendirmeyan a Bajêr li dorbera Gurpinara navçeya Wanê bi J-SÎHAyan va operasyon kirin û 3 terorîst hatin berterefkirin.
Hat desnîşankirin navê wan di lîsteya kategoriya gewr da bû ku heta 500 hezar lireyî bi xelatê va li wan digeriyan.
Navê wan wiha hat rêzkirin; Firat Goreyê ku navê wî yê kod "Welat Milazgir" e û ew qaşo li eyaleta Wanê di hêza Başkale û Masîroyê da wezîfedar e, Tahsîn Genezê navê wî yê kod "Azad" e û Îlyas Duranê navê wî yê kod "Kendal" e.
Hat gotin terorsît failê van êrîşan e; di tebaxa 2017an da êrîşî Fermandariya Tabura Qomandoyan a Cendirmeyan a Başkaleya Wanê kirin, di 12ê Hezîrana 2017an da li Başkaleya Wanê êrîşî Girê Mengelê ya li taxa Yolmaçirê kirin û şivanê bi navê Sînan Şener kuştin, di 3yê Tîrmeha 2017an da li ser rêya Wan û Hekariyê bi roketan va êrîşî hêzên ewlehiyê yên mayîn digeriyan kirin, di 9ê Îlona 2016an da li Eşmepinara herêma Başkaleya Wanê êrîşî gundparêzan kirin 3 gundparêz û sivîlek şehîd kirin, di 2016an da Esenyamaça taxa Başkaleya Wanê rê birîn gundparêzek şehîd kirin û 2 gundparêz jî birîndar kirin, di 2016an da li taxa Yavuzlarê ya navçeya Başkaleyê êrîşî wesayîtekî kirin 3 gundparêz û sivîlek şehîd kirin.
Di daxuyaniyê da hat gotin ji bilî van êrîş û bûyeran ew failê gelek êrîşên din in jî.
2 tivingên piyadeyê yên M-16, tivingeke piyadeyê ya keleş, demançeyeke marqeya wê glock e, 6 bombeyên destan, gelek muhîmat û alavên jiyanê jî hatin bidestxistin.