Tirkiye

Hêzên ewlehiyê li Tunceliyê şikeftên terorîstan îmhe dikin û destûra amadekariya zivistanê nadin

Sidar Can Eren   | 25.11.2021
Hêzên ewlehiyê li Tunceliyê şikeftên terorîstan îmhe dikin û destûra amadekariya zivistanê nadin

Tunceli

Li Tunceliyê hêzên ewlehiyê di saleke dawîn da bi operasyonên Eren-7 Mercan Munzûr û Eren Zivistan-6 Çiyayên Mercanê Cendirmeyê Şehîd Çawîşê Pispor Burak Tortumlu 203 sitargeh û şikeft îmhe kirin û gelek çek, muhîmat, alavên jiyanê yên terorîstan bi dest xistin û ji aliyê lojîstîkê va jî derbeyeke giran li rêxistinên terorê xistin.

Li bajêr Fermandariya Cendirmeya Bajêr di kordînasyona Walîtiyê da operasyonan dimeşîne û li dijî mensûbên rêxistina terorê ya cudakar têkoşîn bi biryardarî tê dayîn.

Di vê çarçoveyê da li devera çiyayî ya navenda bajêr û li deverên çiyayî yên 7 navçeyan çendek berê Operasyona Eren Zivistan-6 Çiyayên Mercanê Cendirmeyê Şehîd Çawîşê Pispor Burak Tortumlu jî dan destpêkirin û didomînin.

Di operasyona ku binefserên jin komandoyên cendirme, herekata taybet a cendirmeyan (JOH), hereketa taybet a polêsan (POH) û gundparêz jî beşdar in da ji 72 tîman nêzî 1060 personel wezîfeyê dikin.

Li bajarê ku di nav çiyayên qerase da hatiye avakirin, hêzên ewlehiyê şev û roj ser erazî dimînin û bi kûçikên perwerdekirî û ekîpmanên teknolojiya dawîn va peyê terorîstan ketine.

Wesayîta esmanî yên bêmirov û çekdar (SÎHA), wesayîta esmanî ya bêmirov (ÎHA) û firoke jî carinan piştgiriya operasyonê dikin û di saleke dawîn da rêxistina terorê ji aliyê lojîstîkê va jî zirereke mezin dît.

Operasyona dawîn di 19ê mijdarê da dest pê kir û ji wê demê vir va hêzên ewlehiyê li navenda bajêr û Ovacikê 13, li Hozatê 1 û li devera çiyayî ya Nazimiyeyê 9 sitargeh tesbît û îmhe kirin.

Di sitargehan da muhîmata avêtina bombeyê, 2 şarjorên tivinga peyadeyan a HK-33yê, 2 şarjorên G-3yê, muhimata bixiyê, 8 çenteyên piştê, 5 bloqên pîlan, cîhazê dengê sîrenê, 100 mêtre qabloya ceyranê û gelek alavên jiyanê hatin bidestxistin.

Hêzên ewlehiyê li bajêr di navbera 5ê sibatê û 19ê mijdarê da Operasyona Eren-7 Mercan Munzûr kir û di vê operasyonê da jî 180 sitargeh û şikeftên terorîstan xerab kirin.

Ji bo ku terorîst li herêmê baregeha xwe ya zivistanê çênekin û ji bo derbasbûna navbera bajaran were astengkirin, operasyon ji hewa û bejayê dewam dikin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın